Qazaqstanda 18-ge tolmaǵan 75 bala túrmede jazasyn ótep jatyr – IIM

Elimizde qazirgi ýaqytta kámeletke tolmaǵandardy ustaý oryndarynda 75 bala jazasyn ótep jatyr, dep habarlaıdy Qandastar.kz aqparat portaly.

Májilis depýtaty Dáýlet Muqaev Ishki ister jáne Oqý-aǵartý mınıstrlikteriniń ókilderine qylmystyq quqyq buzýshylyq jasaǵan 18 jasqa tolmaǵan kámeletke tolmaǵandar týraly zań jobasyndaǵy mańyzdy máseleler boıynsha suraqtar qoıdy.

Zań jobasy boıynsha 18 jasqa tolmaǵan balalar qylmystyq jaýaptylyqtan bosatylyp, olar ata-analaryna nemese balalardy almastyratyn mekemelerge qaıtarylady.

Dáýlet Muqaev qylmystyq-atqarý júıesinde qazir qansha kámeletke tolmaǵan sottalýshy bar jáne olardyń qanshasy osy raqymshylyqqa ilinetini jóninde naqty aqparat surady.

Ishki ister mınıstriniń orynbasary Abaı Qaıyrbekov qazirgi tańda 75 kámeletke tolmaǵan sottalýshynyń jazasyn ótep jatqanyn málimdedi.

Qazirgi ýaqytta kámeletke tolmaǵandardy ustaý oryndarynda 75 bala jazasyn ótep jatyr. Onyń 70-i ul, Almaty qalasyndaǵy №11 mekemede, al 5 qyz Almaty oblysy Jaýǵashty kentindegi mekemede jazasyn ótep jatyr. Osy sottalǵandardyń ishinde 4 jasóspirim raqymshylyqqa iligedi, (jaza) merzimi qysqartylady. Sondaı-aq qazirgi ýaqytta qylmystyq atqarý júıesi mekemelerinde buryn osy raqymshylyqqa iligip, qaıta qylmys jasaǵandardy sany 2 myńnan asady. Olardy da biz iriktep qaradyq. Onyń ishinde raqymshylaqqa iligetin 30-dan astam adam bar, — dep túsindirdi IIM ókili.

Oqý-aǵartý vıe-mınıstri Edil Ospan zań jobasynda «mamandandyrylǵan memlekettik organ» degen uǵym balalardy, ásirese jetimder men ata-anasynyń qamqorlyǵynsyz qalǵan balalarǵa arnalǵan mekemeler dep naqtylanǵanyn atap ótti. Bul mekemeler jergilikti atqarýshy organdardyń qoldaýymen balalardyń bilim alýyna, kásiptik-tehnıkalyq oqýǵa túsýine, sondaı-aq jataqhanaǵa ornalastyrý máselelerin sheshýge múmkindik beredi.