جاڭالىقتار
قازاقستاندا 19 ميللياردتان استام بيۋدجەت قاراجاتى قولدى بولعان
فوتو: azattyq-ruhy.kz
قارجىلىق مونيتورينگ اگەنتتىگىنىڭ توراعاسى دميتري مالاحوۆ كوپتەگەن زاڭ بۇزۋشىلىقتىڭ بەتىن اشتى, – دەپ حابارلايدى qandastar.kz.
ماسەلەن, قۇنى 300 ميلليارد تەڭگەدەن اساتىن 35 مەملەكەتتىك جوبانىڭ باعاسى زاڭسىز كوتەرىلگەنى انىقتالدى. قازىر ولاردىڭ قۇنى شامامەن 45 ميلليارد تەڭگەگە قىسقارىپ وتىر. 19,2 ملرد تەڭگە بيۋدجەت قاراجاتىن ۇرلاۋ بويىنشا 111 فاكتى بەلگىلى بولىپ, سوتقا دەيىنگى تەرگەۋ امالدارى جۇرگىزىلۋدە.
بۇعان قوسا قازىر ەلدە الاياقتىق ءورشىپ تۇر, ازاماتتار ايدىڭ-كۇننىڭ امانىندا الدانىپ, قولداعى قارجىسىنان ايىرىلۋدا.
«الاياقتىق سحەمالاردىڭ جولىن كەسىپ جاتىرمىز. قازىردىڭ وزىندە قارجىلىق پيراميدالاردى ۇيىمداستىرۋشىلارعا قارسى 22 تەرگەۋ باستالدى. 14 مىڭعا جۋىق زاڭسىز كونتەنت بۇعاتتالدى جانە 100-دەن استام زاڭسىز چاتتار مەن اككاۋنتتار جويىلدى», – دەپ حابارلادى دميتري مالاحوۆ.
