Qazaqstanda 19 mıllıardtan astam bıýdjet qarajaty qoldy bolǵan

Foto: azattyq-ruhy.kz

Qarjylyq monıtorıng agenttiginiń Tóraǵasy Dmıtrıı Malahov kóptegen zań buzýshylyqtyń betin ashty, – dep habarlaıdy  qandastar.kz.

Máselen, quny 300 mıllıard teńgeden asatyn 35 memlekettik jobanyń baǵasy zańsyz kóterilgeni anyqtaldy. Qazir olardyń quny shamamen 45 mıllıard teńgege qysqaryp otyr. 19,2 mlrd teńge bıýdjet qarajatyn urlaý boıynsha 111 fakti belgili bolyp, sotqa deıingi tergeý amaldary júrgizilýde.

Buǵan qosa qazir elde alaıaqtyq órship tur, azamattar aıdyń-kúnniń amanynda aldanyp, qoldaǵy qarjysynan aıyrylýda.

«Alaıaqtyq shemalardyń jolyn kesip jatyrmyz. Qazirdiń ózinde qarjylyq pıramıdalardy uıymdastyrýshylarǵa qarsy 22 tergeý bastaldy. 14 myńǵa jýyq zańsyz kontent buǵattaldy jáne 100-den astam zańsyz chattar men akkaýnttar joıyldy», – dep habarlady Dmıtrıı Malahov.