جاڭالىقتار
قازاقستاندا 2 جىل بويى زاڭسىز التىن وندىرگەندەر ۇستالدى
شىعىس قازاقستان وبلىسى ۇلان اۋدانى شىبىندى وزەنىنىڭ اڭعارىندا باعالى مەتالداردى زاڭسىز ءوندىرۋ جانە جەر قويناۋىن ءوز بەتىنشە پايدالانۋ فاكتىسى انىقتالدى, دەپ حابارلايدى Qandastar.kz سايتى turkystan.kz-كە سىلتەمە جاساپ.
بۇل تۋرالى قارجىلىق ميونيتورينگ اگەنتتىگى مالىمدەدى.
«كۇدىكتىلەر زاڭناما تالاپتارىن بۇزىپ, ليتسەنزياسىز ەكى جىل بويى وزەن ارناسىن وزگەرتە وتىرىپ, زاڭسىز التىن وندىرگەن. كەن وندىرۋدە اۋىر ارنايى تەحنيكا مەن كەندى قايتا وڭدەۋگە ارنالعان ونەركاسىپتىك جابدىق قولدانىلعان.
جشس زاڭسىز قىزمەتى سالدارىنان كەلتىرىلگەن تەك ەكولوگيالىق زالال 300 ملن تەڭگەدەن استى. ءتىنتۋ بارىسىندا قۇنى 382 ملن تەڭگە قۇرايتىن 6 كگ التىن تاركىلەندى», – دەلىنگەن حابارلامادا.
ۇيىمداستىرۋشى ەكى اي مەرزىمگە قاماۋعا الىندى. تەرگەۋ جالعاسىپ جاتىر.
