Jańalyqtar
Qazaqstan 2030 jylǵa deıin 103 ushaq satyp almaq
2030 jylǵa deıin Qazaqstannyń áýe kemeleri parki taǵy 103 ushaqpen tolyqtyrylady. Bul týraly Qandastar.kz Úkimettiń resmı saıtyna silteme jasap habarlaıdy.
Úkimet málimetinshe, búgingi tańda elimizdegi áýe kemeleri parkinde 104 ushaq bar, onyń ishinde 2025 jyldyń birinshi jartyjyldyǵynda jetkizilgen 6 jańa Airbus A320 tıpti ushaǵy men 1 jańa Boeing 737 MAX 8 ushaǵy bar. 2030 jylǵa deıin tehnıkalyq park taǵy 103 ushaqpen tolyqtyrylady.
«Bıyl 36 jańa halyqaralyq marshrýt ashylyp, naryqqa 8 sheteldik avıakompanııa keldi. El ishinde 61 baǵyt boıynsha aptasyna 850 reıs jasalady», – dep atap ótti kólik vıe-mınıstri Maqsat Qalıaqparov.
Sondaı-aq elimizde kólik qoljetimdiligin qamtamasyz etý jáne áleýmettik mańyzy bar baǵyttardy qoldaý úshin Qazaqstannyń 9 oblysynda 21 sýbsıdııalanatyn marshrýt jumys isteıdi. Olardy iske asyrýǵa 2025 jyly 6,4 mlrd teńge bólindi. Úsharal, Úrjar, Kókshetaý, Túrkistan jáne basqa da týrıstik baǵyttardy damytýǵa erekshe nazar aýdarylyp otyr.
