قازاقستاندا 40 گرادۋسقا دەيىن اياز بولادى

ەلىمىزگە اركتيكالىق سۋىقتىڭ ءتۇسۋى جالعاسۋدا, الداعى ءۇش كۇندە رەسپۋبليكا بويىنشا تەمپەراتۋرانىڭ ودان ءارى تومەندەۋى كۇتىلىپ وتىر, دەپ حابارلايدى qandastar.kz

23-24 قاڭتاردا سولتۇستىك-باتىس تسيكلونىنىڭ اسەرىنەن ەلدىڭ شىعىس جانە وڭتۇستىك-شىعىس ايماقتارىندا قار جاۋادى. ال قالعان اۋماقتا جاۋىن-شاشىنسىز اۋا-رايى بولادى.

ەلىمىزدىڭ سولتۇستىك جارتىسىنداعى اۋا تەمپەراتۋراسى تۇندە 20-30 گرادۋس اياز, جەكەلەگەن اۋدانداردا قاتتى اياز –35 گرادۋس بولادى دەپ بولجانىپ وتىر.

كۇندىز 13-20 گرادۋس اياز, ەلدىڭ ورتالىعى مەن شىعىسىندا 20-35, جەكەلەگەن وڭىرلەردە  – 40 گرادۋس قاتتى اياز, وڭتۇستىكتە تۇندە 15-25 گرادۋس, جەكەلەگەن اۋدانداردا 28 گرادۋس قاتتى اياز, كۇندىز 5-15 گرادۋس اياز بولۋى ىقتيمال.