Qazaqstanda 470 sarbazdan sýııdke beıimdilik anyqtaldy

Foto: istockphoto.com

Bıylǵy áskerge shaqyrý naýqanynda Qazaqstanda 470 shaqyrylýshyda sýııdke beıimdilik anyqtaldy. Bul týraly Qorǵanys mınıstrligi habarlady, dep jazdy qandastar.kz

Áskerge shaqyrylýshylardyń psıhologııalyq aýytqýlaryn anyqtaýǵa úkimet tapsyrmasymen áskerı psıhologtar ázirlegen Psy-risk ádistemesi kómektesti. Atalǵan azamattardyń bir bóligi áskerden bosatylyp, endi bir bóligi qosymsha tekserýge jiberildi.

“Jańa júıe – kópsatyly psıhodıagnostıka mehanızmi. Ol bastapqy skrınıngten, tereńdetilgen psıhologııalyq tekserýden jáne qajet bolǵan jaǵdaıda psıhıatrııalyq saraptamadan turady. Basty maqsat – psıhoemoıonaldyq turaqtylyǵy jetkiliksiz azamattardy Qarýly kúshter qataryna shaqyrmaý”, – delingen habarlamada.

Ádisteme kezeń-kezeńimen barlyq óńirlerde engiziledi.

“Biz tek psıhologııalyq turǵyda turaqsyzdardy anyqtaýmen shektelmeımiz. Maqsat – bolashaq áskerı bólimderdiń ujymdaryn yqtımal qaýip-qaterden qorǵaý. Bul – densaýlyq, ómir jáne bólimderdegi moraldyq ahýal máselesi”, – dedi Qorǵanys mınıstrliginiń psıhologııalyq jáne áleýmettik jumys basqarmasynyń bastyǵy, podpolkovnık Arman Qalyshev.