جاڭالىقتار
قازاقستاندا 500 مىڭنان استام ادامنىڭ نەسيەسى كەشىرىلەدى
![](https://qandastar.kz/wp-content/uploads/2019/08/dede4170986f6b5cadd5e9bd5fe50714-780x405.jpg)
ەلىمىزدە 500 مىڭنان استام ادامنىڭ نەسيەسى ەسەپتەن شىعارىلادى. بۇل ءتىزىم ءالى دە تولىعۋى مۇمكىن. بۇل تۋرالى ەڭبەك جانە حالىقتى الەۋمەتتىك قورعاۋ ۆيتسە-ءمينيسترى سۆەتلانا جاقىپوۆا ۇكىمەتتىڭ ءباسپاسوز كونفەرەنتسياسىندا ايتتى.
«دەرەكتەر بازاسىن سالىستىرۋ جۇرگىزىلدى, كورسەتىلگەن ساناتتارعا جاتاتىن ادامداردىڭ جەكە دەرەكتەرى انىقتالدى. نەسيەلىك بيۋروعا 2 ميلليون 289 مىڭنان استام ادامنىڭ دەرەكتەرى جىبەرىلدى. قازىرگى سانى تاعى انىقتالدى, ءتىزىم بەرىلدى. ەندى نەسيەلىك بيۋرو ەكىنشى دەڭگەيلى بانكتەرمەن بىرلەسىپ تەكسەرەدى. سوسىن ءاربىر تۇلعانىڭ قانشا نەسيەسى بار ەكەنىن انىقتايدى. قارىز سوماسىن, جارلىقتىڭ تالاپتارىنا سايكەس, مالىمەتتەر نەسيەلىك بيۋروعا جىبەرىلدى. تيىسىنشە, پروبلەمالى نەسيەلەر قورى ەكىنشى دەڭگەيلى بانكتەرمەن كەلىسىم جاساسادى. بۇگىنگى كۇنگە دەيىن نەسيەسى وتەلەتىن شامامەن 507 مىڭ ادام بەلگىلى بولدى», – دەدى جاقىپوۆا.
سونىمەن بىرگە ول ءبىر ادامنىڭ 3 ميلليون تەڭگەدەن اسپايتىن 2-3 نەسيەسىنىڭ ايىپپۇلدارى كەشىرىلەتىنىن ايتتى.
«قوعامدا كوپتەگەن سۇراقتار تۋىنداپ جاتىر. ەگەر ەرلى-زايىپتىلاردىڭ ەكەۋىنىڭ بىردەي نەسيەسى بولسا, وندا ولاردى قالاي تولەيدى دەگەندەي. جارلىقتىڭ تالاپتارىنا سايكەس كەلسە ەكەۋىنىڭ دە نەسيەسى تولەنەدى»,- دەيدى ۆيتسە-مينيستر.
ونىڭ ايتۋىنشا, egov پورتالىندا ازاماتتاردى ەسكەرتۋ ءۇشىن ولاردىڭ مارتەبەسىن انىقتاۋ قىزمەتى ۇيىمداستىرىلعان. مۇندا بارلىعى پورتالعا ەتسق كومەگىمەن كىرىپ, جسن ەنگىزىپ, جاۋاپ الا الادى.
«بولاشاقتا ءبىز بۇل قىزمەتتى جاقسارتۋدى جوسپارلاپ وتىرمىز, ويتكەنى بۇگىندە ازاماتتاردىڭ سۇراقتارى كوپ. كەيبىر ازاماتتار وزدەرىنىڭ مارتەبەسىن انىقتاي الماعانى تۋرالى وتىنىشەرىن ايتىپ جاتىر. ولار وزدەرىن وسى نەمەسە باسقا كاتەگورياعا جاتقىزاتىندارىن بىلمەيدى. ءتىزىم ءالى دە تولىق ەمەس. ەگەر ازامات ءوزىنىڭ جارلىقتاعى ساناتتاردىڭ بىرەۋىنە سايكەس كەلەتىنىن انىقتاسا, ءتىزىم تولىقتىرىلادى », – دەيدى سۆەتلانا جاقىپوۆا.
ەسكە سالا كەتەيىك, وسى جىلدىڭ 26 ماۋسىمىندا مەملەكەت باسشىسى قاسىم-جومارت توقاەۆ قازاقستان رەسپۋبليكاسى ازاماتتارىنىڭ بورىش جۇكتەمەسىن ازايتۋ تۋرالى جارلىققا قول قويعان ەدى.