Qazaqstanda 500 myńnan astam adamnyń nesıesi keshiriledi

Elimizde 500 myńnan astam adamnyń nesıesi esepten shyǵarylady. Bul tizim áli de tolyǵýy múmkin. Bul týraly eńbek jáne halyqty áleýmettik qorǵaý vıe-mınıstri Svetlana Jaqypova úkimettiń baspasóz konferenııasynda aıtty.

«Derekter bazasyn salystyrý júrgizildi, kórsetilgen sanattarǵa jatatyn adamdardyń jeke derekteri anyqtaldy. Nesıelik bıýroǵa 2 mıllıon 289 myńnan astam adamnyń derekteri jiberildi. Qazirgi sany taǵy anyqtaldy, tizim  berildi. Endi nesıelik bıýro ekinshi deńgeıli banktermen birlesip tekseredi. Sosyn árbir tulǵanyń qansha nesıesi bar ekenin anyqtaıdy. Qaryz somasyn, jarlyqtyń talaptaryna sáıkes, málimetter nesıelik bıýroǵa jiberildi. Tıisinshe, problemaly nesıeler qory ekinshi deńgeıli banktermen kelisim jasasady. Búgingi kúnge deıin nesıesi óteletin shamamen 507 myń adam belgili boldy», – dedi Jaqypova.

Sonymen birge ol bir adamnyń 3 mıllıon teńgeden aspaıtyn 2-3 nesıesiniń aıyppuldary keshiriletinin aıtty.

«Qoǵamda kóptegen suraqtar týyndap jatyr. Eger erli-zaıyptylardyń ekeýiniń birdeı nesıesi bolsa, onda olardy qalaı tóleıdi degendeı. Jarlyqtyń talaptaryna sáıkes kelse ekeýiniń de nesıesi tólenedi»,- deıdi vıe-mınıstr.

Onyń aıtýynsha, egov portalynda azamattardy eskertý úshin olardyń mártebesin anyqtaý qyzmeti uıymdastyrylǵan. Munda barlyǵy portalǵa EQ kómegimen kirip, JSN engizip, jaýap ala alady.

«Bolashaqta biz bul qyzmetti jaqsartýdy josparlap otyrmyz, óıtkeni búginde azamattardyń suraqtary kóp. Keıbir azamattar ózderiniń mártebesin anyqtaı almaǵany týraly ótinisherin aıtyp jatyr. Olar ózderin osy nemese basqa kategorııaǵa jatqyzatyndaryn bilmeıdi. Tizim áli de tolyq emes.  Eger azamat óziniń jarlyqtaǵy sanattardyń bireýine sáıkes keletinin anyqtasa, tizim tolyqtyrylady », – deıdi Svetlana Jaqypova.

Eske sala keteıik, osy jyldyń 26 maýsymynda Memleket basshysy Qasym-Jomart Toqaev Qazaqstan Respýblıkasy azamattarynyń borysh júktemesin azaıtý týraly Jarlyqqa qol qoıǵan edi.