جاڭالىقتار
قازاقستاندا 515 مال دارىگەرى جەتىسپەيدى
فوتو: اشىق دەرەككوز
جوعارى وقۋ ورنىن تامامداعان ۆەتەرينارلار ءوز ماماندىعى بويىنشا جۇمىس ىستەۋگە ق ۇلىقسىز. سەبەبى جالاقىسى از, جۇمىس جۇكتەمەسى وتە كوپ, دەپ جازدى qandastar.kz
مينيسترلىكتىڭ مالىمەتىنشە, بۇگىندە جەرگىلىكتى اتقارۋشى ورگانداردىڭ اقپاراتىنا سايكەس, مەملەكەتتىك ۆەتەريناريالىق ۇيىمداردىڭ ۆەتەريناريالىق دارىگەرلەرىنىڭ ورتاشا ايلىق جالاقىسى وڭىرلەرگە بايلانىستى 199 مىڭنان باستالىپ (شىعىس قازاقستان وبلىسى), 420 مىڭعا دەيىن ( ۇلىتاۋ وبلىسى) تولەنىپ وتىر.
سونىمەن قاتار رەسپۋبليكالىق بيۋدجەتتەن 2023 جىلدان باستاپ I جانە II پاتوگەندىك توپتاردىڭ پاتوگەندى بيولوگيالىق اگەنتتەرىمەن جۇمىس ىستەگەنى ءۇشىن ۆەتەريناريالىق ماماندارعا 35% جانە 50% قوسىمشا ەڭبەكاقى جانە كەمىندە ەكى لاۋازىمدىق جالاقى مولشەرىندە ساۋىقتىرۋ جاردەماقىسى تولەنەدى.
Aikyn.kz حابارلاعانداي, قولدانىستاعى زاڭناما نەگىزىندە مەملەكەتتىك ۆەتەريناريالىق ۇيىمدار اقىلى قىزمەت تۇرلەرىن (ەمدەۋ, دەزينفەكتسيا جاساۋ) كورسەتۋگە قۇقىلى. بۇل ءوز كەزەگىندە مەملەكەتتىك ۆەتەريناريالىق ۇيىمداردىڭ كورسەتكەن قىزمەتى ءۇشىن قوسىمشا قاراجات تابۋىنا مۇمكىندىك بەرەدى جانە تۇسكەن قاراجات كاسىپورىنداردىڭ يەلىگىندە قالادى.
جەرگىلىكتى اتقارۋشى ورگانداردىڭ مالىمەتىنشە, جەرگىلىكتى جەرلەردەگى ۆەتەريناريالىق مامانداردىڭ شتاتتىق سانى – 11 011 بىرلىك. ونىڭ ىشىندە بوس جۇمىس ورىندارى بار. ناقتى ايتقاندا, 515 مال دارىگەرى قاجەت.
