Qazaqstanda 515 mal dárigeri jetispeıdi

Foto: ashyq derekkóz

Joǵary oqý ornyn támamdaǵan veterınarlar óz mamandyǵy boıynsha jumys isteýge qulyqsyz. Sebebi  jalaqysy az, jumys júktemesi óte kóp, dep jazdy qandastar.kz

Mınıstrliktiń málimetinshe,  búginde  jergilikti atqarýshy organdardyń aqparatyna sáıkes, memlekettik veterınarııalyq uıymdardyń veterınarııalyq dárigerleriniń ortasha aılyq jalaqysy óńirlerge baılanysty 199 myńnan bastalyp (Shyǵys Qazaqstan oblysy), 420 myńǵa deıin (Ulytaý oblysy) tólenip otyr.

Sonymen qatar  respýblıkalyq bıýdjetten 2023 jyldan bastap I jáne II patogendik toptardyń patogendi bıologııalyq agentterimen jumys istegeni úshin veterınarııalyq mamandarǵa 35% jáne 50% qosymsha eńbekaqy jáne keminde eki laýazymdyq jalaqy mólsherinde saýyqtyrý járdemaqysy tólenedi.

Aikyn.kz habarlaǵandaı, qoldanystaǵy zańnama negizinde memlekettik veterınarııalyq uıymdar aqyly qyzmet túrlerin (emdeý, dezınfekııa jasaý) kórsetýge quqyly. Bul óz kezeginde memlekettik veterınarııalyq uıymdardyń  kórsetken qyzmeti úshin qosymsha qarajat tabýyna múmkindik beredi jáne túsken qarajat kásiporyndardyń ıeliginde qalady.

Jergilikti atqarýshy organdardyń málimetinshe, jergilikti jerlerdegi veterınarııalyq mamandardyń shtattyq sany – 11 011 birlik. Onyń ishinde bos jumys oryndary bar. Naqty aıtqanda, 515 mal dárigeri qajet.