جاڭالىقتار
قازاقستاندا اەس قۇرىلىسى قاشان اياقتالادى?
فوتو: Ru.freepik.com
قازاقستاندا سالىنعالى جاتقان اەس قۇرىلىسى 12 جىلعا سوزىلۋى مۇمكىن, دەپ جازدى qandastar.kz
بۇل تۋرالى Stan.kz اقپارات اگەنتتىگى حابارلايدى.
اتوم ەنەرگياسى جونىندەگى اگەنتتىكتىڭ مالىمەتىنشە, اەس قۇرىلىسى شامامەن 2035–2036 جىلدارى اياقتالادى دەپ جوسپارلانىپ وتىر.
«الەمدىك تاجىريبە كورسەتكەندەي, اتوم ەلەكتر ستانتسياسىن جوبالاۋ, سالۋ جانە پايدالانۋعا بەرۋ ۇدەرىسى ورتا ەسەپپەن 10–12 جىلعا سوزىلادى. وسىعان سايكەس, قۇرىلىستىڭ بولجامدى اياقتالۋ مەرزىمى – 2035–2036 جىلدار. «روساتوم» مەملەكەتتىك كورپوراتسياسى بۇل جوسپارلارعا سايكەستىگىن راستاپ وتىر», – دەلىنگەن حابارلامادا.
اگەنتتىك جوبانىڭ ناقتى قۇنىن ايتۋعا ءالى ەرتە دەپ وتىر.
“كەز كەلگەن اتوم ەلەكتر ستانتسياسىن سالۋ كەزىندە ونىڭ تۇپكىلىكتى قۇنىنا بىرقاتار فاكتورلار اسەر ەتەدى. اتاپ ايتقاندا:
- ينجەنەرلىك-ىزدەستىرۋ جۇمىستارىنىڭ ناتيجەلەرى, ياعني قۇرىلىس جۇرگىزىلەتىن اۋماقتاعى مەتەورولوگيالىق جانە سەيسمولوگيالىق جاعدايلاردىڭ قۇرىلىس بارىسىنا ىقپالى;
- رەاكتورلىق تەحنولوگيا جەتكىزۋشىسىنىڭ قۇرامىنا كىرمەيتىن حالىقارالىق وندىرۋشىلەردىڭ جابدىقتارىن قولدانۋ;
- اەس سالىناتىن اۋماقتا جابدىقتار مەن قۇرىلىس ماتەريالدارىن ءوندىرۋ دەڭگەيى, ياعني وندىرىستەگى جەرگىلىكتى ۇلەس;
- قۇرىلىس-مونتاج ۇيىمدارى مەن بىلىكتى مامانداردىڭ قاتىسۋى, ياعني قۇرىلىس ءۇشىن جەتكىلىكتى ادامي رەسۋرستاردىڭ بار-جوعى نەمەسە ءۇشىنشى تاراپتاردى تارتۋ قاجەتتىلىگى;
- لوگيستيكالىق, قارجىلىق جانە وزگە دە شىعىندار”, – دەدى اگەنتتىكتەگىلەر.
بۇعان دەيىن «روساتوم» باسشىسى الەكسەي ليحاچەۆ قازاقستانداعى العاشقى اتوم ەلەكتر ستانتسياسى الەمدەگى ەڭ زاماناۋي اەس-تەردىڭ ءبىرى بولاتىنىن ايتقان ەدى.
ايتا كەتەيىك, بۇعان دەيىن اتوم ەنەرگياسى جونىندەگى اگەنتتىك قازاقستاندا ءبىرىنشى اتوم ەلەكتر ستانتسياسىن “روساتوم” سالاتىنىن مالىمدەگەن ەدى. سونداي-اق قازاقستاندا ەكىنشى اەس-ءتى قىتايلىق كومپانياسالاتىنى انىقتالعان.
