Qazaqstanda AES qurylysy qashan aıaqtalady?

Foto: Ru.freepik.com

Qazaqstanda salynǵaly jatqan AES qurylysy 12 jylǵa sozylýy múmkin, dep jazdy qandastar.kz

Bul týraly Stan.kz aqparat agenttigi habarlaıdy.

Atom energııasy jónindegi agenttiktiń málimetinshe, AES qurylysy shamamen 2035–2036 jyldary aıaqtalady dep josparlanyp otyr.

«Álemdik tájirıbe kórsetkendeı, atom elektr stanııasyn jobalaý, salý jáne paıdalanýǵa berý úderisi orta eseppen 10–12 jylǵa sozylady. Osyǵan sáıkes, qurylystyń boljamdy aıaqtalý merzimi – 2035–2036 jyldar. «Rosatom» memlekettik korporaııasy bul josparlarǵa sáıkestigin rastap otyr», – delingen habarlamada.

Agenttik jobanyń naqty qunyn aıtýǵa áli erte dep otyr.

“Kez kelgen atom elektr stanııasyn salý kezinde onyń túpkilikti qunyna birqatar faktorlar áser etedi. Atap aıtqanda:

1. Injenerlik-izdestirý jumystarynyń nátıjeleri, ıaǵnı qurylys júrgiziletin aýmaqtaǵy meteorologııalyq jáne seısmologııalyq jaǵdaılardyń qurylys barysyna yqpaly;
2. Reaktorlyq tehnologııa jetkizýshisiniń quramyna kirmeıtin halyqaralyq óndirýshilerdiń jabdyqtaryn qoldaný;
3. AES salynatyn aýmaqta jabdyqtar men qurylys materıaldaryn óndirý deńgeıi, ıaǵnı óndiristegi jergilikti úles;
4. Qurylys-montaj uıymdary men bilikti mamandardyń qatysýy, ıaǵnı qurylys úshin jetkilikti adamı resýrstardyń bar-joǵy nemese úshinshi taraptardy tartý qajettiligi;
5. Logıstıkalyq, qarjylyq jáne ózge de shyǵyndar”, – dedi agenttiktegiler.

Buǵan deıin «Rosatom» basshysy Alekseı Lıhachev Qazaqstandaǵy alǵashqy atom elektr stanııasy álemdegi eń zamanaýı AES-terdiń biri bolatynyn aıtqan edi.

Aıta keteıik, buǵan deıin  Atom energııasy jónindegi agenttik Qazaqstanda birinshi Atom elektr stanııasyn “Rosatom” salatynyn málimdegen edi. Sondaı-aq Qazaqstanda ekinshi AES-ti qytaılyq kompanııasalatyny anyqtalǵan.