Qazaqstanda AES-ti kim sala alatyny belgili boldy

Foto: ashyq derekkóz

«Qazaqstan atom elektr stanııalary» JShS bas dırektory Tımýr Jantıkın Qazaqstanda AES qurylysynyń tehnologııalaryn qaı kompanııalar jetkize alatynyn aıtty, — dep habarlaıdy qandastar.kz

Onyń aıtýynsha, 2019 jyly Qazaqstan ıadrolyq tehnologııalardyń eń ozyq sheteldik jetkizýshilerinen mindetti emes tehnıkalyq jáne kommerııalyq usynystar alǵan. Nátıjesinde Qytaı, Ońtústik Koreıa, Reseı, Franııa jáne AQSh-tyń alty jetkizýshisinen 13 zamanaýı reaktor jobasy tańdaldy.

«Usynylǵan tehnologııalardy aldyn ala baǵalaý úshin biz álemdik tájirıbe men Atom energııasy jónindegi halyqaralyq agenttiktiń (MAGATE) usynymdary negizinde ózimizdiń baǵalaý júıemizdi jasadyq. Keıinnen bul júıeni franýzdyń áıgili Assystem ınjınırıngtik kompanııasy maquldady», — dedi Jantıkın.

Qysqa tizimge tórt áleýetti jetkizýshiniń usynystary engizildi:

— HPR1000 reaktory bar qytaılyq CNNC kompanııasy;
— APR1000 jáne APR1400 reaktorlary bar koreıalyq KHNP;
— VVER-1200 bar reseılik Rosatom;
— EPR1200 tehnologııasymen franýzdyq EDF.

Tehnologııalardy tańdaýdan basqa, jobanyń shamamen quny, onyń merzimi, qarjylandyrý ádisteri men kózderi týraly suraqtar da talqylandy.

«Qazaqstannyń bolashaǵy atom energetıkasymen tyǵyz baılanysty», — dedi Jantıkın.

Ol atom elektr stanııalary álemdegi eń qaýipsiz jáne senimdi energııa kózderiniń biri ekenin aıtty.

Tabıǵı-klımattyq faktorlardy, energetıkalyq júıeniń sıpattamalaryn jáne boljamdy elektr energııasynyń tapshylyǵyn eskere otyryp, sarapshylar kelesi qorytyndyǵa keldi:

— bir bloktyń usynylatyn qýaty 1,4 GVt deıin;
— stanııanyń jalpy qýaty – 2,8 GVt deıin;
— AES úshin usynylatyn oryn – Almaty oblysy, Úlken aýylynyń janyndaǵy Balqash kóliniń aýdany.

Qazaqstanda atom elektr stanııalaryn salý úshin usynylatyn ońtaıly tehnologııa qaýipsizdik deńgeıi joǵary jáne ekonomıkalyq kórsetkishteri jaqsarǵan III jáne III+ býyn qysymdy sý reaktorlary bolyp tabylady.

Eske salaıyq, Qazaqstan úkimeti AES qurylysy boıynsha referendým ótkizý týraly qaýly jobasyn maquldaǵan bolatyn. Premer-Mınıstr Oljas Bektenov Energetıka mınıstrligine úkimet apparatymen birlesip, Prezıdent Ákimshiligine qaýly jobasyn engizýdi tapsyrdy.