قازاقستاندا ايەلدەر اراسىنداعى زەينەتكەرلىك جاس تومەندەتىلەمە: تامارا دۇيسەنوۆانىڭ جاۋابى

فوتو: Egemen.kz

قازاقستاندىقتار ايەلدەر اراسىنداعى زەينەتكەرلىك جاسىن 55 جاسقا دەيىن تومەندەتۋ تۋرالى پەتيتسيا جاسادى. پرەمەر-ءمينيستردىڭ ورىنباسارى تامارا دۇيسەنوۆادان ۇكىمەت قانشالىقتى پەتيتسيانى قولداۋى مۇمكىن ەكەنىن سۇرادى, دەپ حابارلايدى Tengrinews.kz ءتىلشىسى.

دۇيسەنوۆانىڭ ايتۋىنشا, ءوتىنىش بەلگىلەنگەن تارتىپپەن قارالۋى مۇمكىن. ياعني, ەگەر پەتيتسيا 50 مىڭ قول جيناسا.

«ءبىز زاڭنامادا 61 جاستان باستاپ قاراستىردىق, قازىر سولاي بەلگىلەدىك. ەگەر مۇنداي ءوتىنىش تۇسسە, ارينە, بەلگىلەنگەن تارتىپپەن قاراستىرامىز. بىراق بۇگىندە ءبىز زەينەتاقىلاردىڭ كوپ بولىگىن مەملەكەتتەن ەمەس, ءبىز قالىپتاستىرعان زەينەتاقى اكتيۆتەرىمىزدەن الامىز. سوندىقتان ءبىز بۇگىن 55 جاستا شىقساق, لايىقتى زەينەتاقى الا الامىز با, سونى ويلاۋىمىز كەرەك»,-دەدى ۆيتسە-پرەمەر ءماجىلىس بارىسىندا.

ول قازاقستاندىق زاڭنامادا زەينەتاقى جيناقتارىنا بايلانىستى ەرتە زەينەتكە شىعۋ مۇمكىندىگى قاراستىرىلعانىن ەسكە سالدى.

«ەگەر حالىقارالىق تاجىريبە بويىنشا كورىپ وتىرعان ەسەپتەۋلەرگە سۇيەنسەك, ەگەر ادام 35 جىل بويى ۇنەمى قاتىسىپ وتىرسا (زەينەتاقى جۇيەسىنە ), ۇنەمى اۋدارىپ وتىرسا, وندا ونىڭ زەينەتاقىسى زەينەتاقى قورىنىڭ ءوزىنىڭ كەمىندە 60 پايىزىن قۇرايدى. مۇنى الەم دالەلدەدى. سوندىقتان بىزگە دەر كەزىندە اۋدارۋ كەرەك. ءبىز «زەينەتكە ەرتە شىعايىق» دەپ ءجيى ايتامىز, مەملەكەت تولەيدى دەپ ويلايمىز. مەملەكەت بۇگىندە زەينەتاقى جۇيەسىنە قاتىسۋىنا بايلانىستى اۋدارىمداردان بازالىق زەينەتاقى جانە ورتاق زەينەتاقى تولەيدى» , – دەپ قوستى دۇيسەنوۆا.