قازاقستاندا اقبوكەندەردى اتۋعا تاعى تىيىم سالىندى

12 اقپاندا قر ەكولوگيا جانە تابيعي رەسۋرستار ءمينيسترى ەرلان نىسانباەۆ ءماجىلىس الاڭىندا 10 اقپاننان باستاپ قازاقستاندا كيىكتىڭ پوپۋلياتسياسىن رەتتەۋ توقتاتىلعانىن مالىمدەدى, دەپ حابارلايدى Zakon.kz.
ەكولوگيا جانە تابيعي رەسۋرستار ءمينيسترى ەرلان نىسانباەۆ قازاقستاندا كيىكتەردىڭ سانىن رەتتەۋ توقتاتىلعانىن ايتتى.

«وتاندىق عالىمدارمەن, حالىقارالىق ساراپشىلارمەن كەڭەسىپ, پىكىرتالاستان كەيىن كيىكتەردى اتۋ توقتاتىلدى.سونىمەن قاتار, قىس مەزگىلى بولعاندىقتان دالادا كوشىپ-قونۋ قيىنعا سوعادى.سوندىقتان 10 اقپاننان باستاپ اقبوكەندەردىڭ سانىن رەتتەۋدى توقتاتتىق ەرلان نىسانباەۆ مينيستر قازاقستاندا رەليكتتىك بوكەن پوپۋلياتسياسىنىڭ جاڭادان كوبەيۋى كۇتىلەتىنىن ءتۇسىندىردى.

«بىلتىرعى كيىك ءتولىنىڭ سانىن ەسكەرە وتىرىپ, بيىل مامىر ايىندا مۇقيات ەگجەي-تەگجەيلى ساناق جۇرگىزىلەدى. بولجام بويىنشا, 40 پايىزعا ءوستى دەپ ايتا الامىن. جالپى, تولدەۋ كەزىندە, ەسەپكە الساق. بىلتىرعى كيىك ءتولى بويىنشا پوپۋلياتسيا شامامەن 2,5 – 2,6 ميلليون باس بولادى. سونىمەن قاتار, كيىك ءتولى بويىنشا پەسسيميستىك بولجامدى الساق تا – بۇل 30 پايىزدى قۇراسا, تاعى دا پليۋس شامامەن 700 – 750 مىڭ باس بولادى دەپ كۇتەمىز.»
ەرلان نىسانباەۆ
سونداي-اق ەرلان نىسانباەۆ كەلەسى جىلى بوكەندەردىڭ سانىن رەتتەۋدى قايتا باستاۋعا بولاتىنىن ايتتى.