قازاقستاندا اكەلەر كۇنى اتالىپ ءوتىلىپ جاتىر

فوتو: pixabay

قازاقستاندا اكەلەر كۇنى رەسمي تۇردە ماۋسىمنىڭ ءۇشىنشى جەكسەنبىسىندە اتاپ وتىلەدى, دەپ جازدى qandastar.kz

بۇل كۇن 2023 جىلدان باستاپ «قازاقستان رەسپۋبليكاسىنداعى مەرەكەلەر تۋرالى» زاڭعا ەنگىزىلىپ, رەسمي مەرەكە رەتىندە بەلگىلەندى.

مادەنيەت جانە اقپارات مينيسترلىگى قازاقستاندىقتاردى مەرەكەمەن قۇتتىقتادى.

«اكە – وتباسىنىڭ ارقا سۇيەر تىرەگى, بالا ءۇشىن ومىرلىك باعىت بەرەتىن تۇلعا. وسى ەرەكشە كۇنى بارشا اكەلەرىمىزگە قامقورلىعى مەن قولداۋى, ماحابباتى مەن مەيىرىمى ءۇشىن شىن جۇرەكتەن العىس ايتقىمىز كەلەدى. سىزدەرگە مىقتى دەنساۋلىق, سارقىلماس كۇش-قۋات تىلەيمىز. ەڭبەكتەرىڭىز ءاردايىم لايىقتى باعالانىپ, قۋانىش اكەلسىن. جانۇيالارىڭىزدا شاتتىق پەن ماحاببات, بەرەكە مەن بىرلىك ورناسىن! بالارىڭىزدىڭ قىزىق-قۋانىشىنا كەنەلىپ, مەرەيلەرىڭىز ارتا بەرسىن. مەرەكەلەرىڭىز قۇتتى بولسىن!», — دەلىنگەن قۇتتىقتاۋدا.

Zakon.kz حابارلاعانداي, 2023 جىلعى ماۋسىم ايىندا قازاقستانداعى مەرەكەلىك كۇندەر ءتىزىمى جاڭا مەرەكەلەرمەن تولىقتى – انالار كۇنى مامىر ايىنىڭ ەكىنشى جەكسەنبىسىندە اتالىپ وتەدى. اكەلەر كۇنى – ماۋسىم ايىنىڭ ءۇشىنشى جەكسەنبىسىندە تويلانادى.