Qazaqstanda ákeler kúni atalyp ótilip jatyr

Foto: pixabay

Qazaqstanda ákeler kúni resmı túrde maýsymnyń úshinshi jeksenbisinde atap ótiledi, dep jazdy qandastar.kz

Bul kún 2023 jyldan bastap «Qazaqstan Respýblıkasyndaǵy merekeler týraly» Zańǵa engizilip, resmı mereke retinde belgilendi.

Mádenıet jáne aqparat mınıstrligi qazaqstandyqtardy merekemen quttyqtady.

«Áke – otbasynyń arqa súıer tiregi, bala úshin ómirlik baǵyt beretin tulǵa. Osy erekshe kúni barsha ákelerimizge qamqorlyǵy men qoldaýy, mahabbaty men meıirimi úshin shyn júrekten alǵys aıtqymyz keledi. Sizderge myqty densaýlyq, sarqylmas kúsh-qýat tileımiz. Eńbekterińiz árdaıym laıyqty baǵalanyp, qýanysh ákelsin. Januıalaryńyzda shattyq pen mahabbat, bereke men birlik ornasyn! Balaryńyzdyń qyzyq-qýanyshyna kenelip, mereılerińiz arta bersin. Merekelerińiz qutty bolsyn!», — delingen quttyqtaýda.

Zakon.kz habarlaǵandaı, 2023 jylǵy maýsym aıynda Qazaqstandaǵy merekelik kúnder tizimi jańa merekelermen tolyqty – Analar kúni mamyr aıynyń ekinshi jeksenbisinde atalyp ótedi. Ákeler kúni – maýsym aıynyń úshinshi jeksenbisinde toılanady.