جاڭالىقتار
قازاقستاندا اكىمدەر مەكتەبى قۇرىلماق
فوتو: اشىق دەرەككوز
قاسىم-جومارت توقاەۆ 28 قاڭتاردا وتكەن ۇكىمەتتىڭ كەڭەيتىلگەن وتىرىسىندا جەرگىلىكتى اكىمدەردىڭ بىلىكتىلىگىن ارتتىرۋ تۋرالى ايتتى, دەپ حابارلايدى qandastar.kz
مەملەكەت باسشىسى اكىمدەردى تىكەلەي سايلاۋدى ەنگىزۋ مەملەكەتتىك قىزمەتشىلەردىڭ جاڭا ساناتى – سايلاناتىن باسشىلار ساناتىنىڭ پايدا بولۋىنا اكەلگەنىن اتاپ ءوتتى. بۇل 2,5 مىڭنان استام مەنەدجەر.
«ولاردىڭ اراسىندا بۇرىن مەملەكەتتىك قىزمەتتە جۇمىس ىستەمەگەن ازاماتتار, سونىڭ ىشىندە جاستار كوپ. سول سەبەپتى سايلانعان اكىمدەر مەن ءتۇرلى دەڭگەيدەگى باسشىلاردى كەشەندى دايىندىقتان وتكىزۋ ماسەلەسى وتە وزەكتى بولىپ تۇر. ۇكىمەتكە مەملەكەتتىك قىزمەت ىستەرى اگەنتتىگىمەن بىرلەسىپ, «اكىمدەر مەكتەبى» وقىتۋ جوباسىن ىسكە قوسۋدى تاپسىرامىن. بۇل رەتتە وسىنداي جۇمىستى جۇرگىزىپ جاتقان «اmanat» پارتياسىنىڭ تاجىريبەسىن ەسكەرگەن ءجون», – دەدى پرەزيدەنت.
