جاڭالىقتار
قازاقستاندا الاياقتىقتىڭ جاڭا ءتۇرى پايدا بولدى
ۇلتتىق بانك قازاقستاندىقتارعا ونلاين-سەرۆيستەر مەن ءموبيلدى قوسىمشالاردى قولدانعاندا جەكە دەرەكتەرىن قورعاۋعا شاقىردى. بانكتىڭ مالىمەتىنشە, قاسكويلەر لوگين, پارول, بانك كارتاسىنىڭ دەرەكتەمەلەرىن ۇرلاۋ ءۇشىن فيشينگ, قاۋىپتى سىلتەمە, جالعان سايتتار مەن QR-كود سياقتى ءارتۇرلى ادىستەرگە بارادى, دەپ حابارلايدى Qandastar.kz
قاسكويلەردىڭ نەگىزگى ارەكەتتەرى
- دەربەس دەرەكتەردى ۇرلاۋ ءۇشىن ادامداردى ۇتىس ويىنى, كونكۋرس نەمەسە ساۋالناماعا قاتىسۋعا شاقىرۋ;
- ۇرلانعان فوتو, بەينە, اۋديو جازبالاردى جالعان اككاۋنتتار اشۋ ءۇشىن پايدالانۋ;
- قازاقستان ۇلتتىق بانكى, قۇقىق قورعاۋ ورگاندارى نەمەسە كوممۋنالدىق قىزمەتتەر قىزمەتكەرى رەتىندە ءوزىن تانىستىرۋ.
ازاماتتارعا ۇسىنىستار
- بانك كارتاسىنىڭ دەرەكتەمەسى مەن قۇپياسوزدى ەشكىمگە بەرمەۋ;
- ينتەرنەتتە جەكە جانە قارجىعا قاتىستى اقپاراتتى جاريالاماۋ;
- الەۋمەتتىك جەلى مەن مەسسەندجەردە قۇپيالىلىق پارامەترىن تەكسەرۋ, كۇردەلى قۇپياسوزدەر مەن قوس فاكتورلى اۋتەنتيفيكاتسيانى پايدالانۋ;
- كۇدىكتى سىلتەمەلەرگە وتپەۋ جانە بانكتەن كەلگەن SMS-كودتى ءۇشىنشى تۇلعاعا حابارلاماۋ.
ەگەر دەربەس دەرەكتەرىڭىزدىڭ زاڭسىز پايدالانىلعانىن انىقتاساڭىز, اقپاراتتىق قاۋىپسىزدىك كوميتەتىنە نەمەسە قۇقىق قورعاۋ ورگاندارىنا حابارلاسۋ كەرەك. كونسۋلتاتسيا الۋ ءۇشىن ۇلتتىق بانك 1477 قىسقا ءنومىرى ارقىلى بايلانىسۋعا بولادى.
