قازاقستاندا الداعى كۇندەرى 43 گرادۋسقا دەيىن ىستىق كۇتىلەدى

مەتەورولوگتاردىڭ مالىمەتىنشە, الداعى كۇندە قازاقستاننىڭ باسىم بولىگىندە اۋا رايى قۇبىلمالى بولادى. بىرنەشە وبلىستا جاڭبىر جاۋادى.

اتاپ ايتقاندا, 7-8 ماۋسىمدا سولتۇستىكتە, 7 ماۋسىمدا ورتالىقتا, 8 ماۋسىمدا رەسپۋبليكانىڭ شىعىسىندا قاتتى جاۋىن-شاشىن بولادى. سونداي-اق بۇل وڭىرلەردە جاڭبىر جاۋىپ, كۇن كۇركىرەپ, ەكپىندى جەل سوعادى. ال ەلدىڭ سولتۇستىگى, باتىسى, ورتالىعى مەن شىعىسىندا بۇرشاق جاۋى ىقتيمال. سيپونتيكتەردىڭ بولجامىنشا, ەلىمىزدىڭ وڭتۇستىگىندە كۇندىز +35…+43 گرادۋسقا دەيىن, وڭتۇستىك-شىعىستا +35…+40 گرادۋسقا دەيىن قاتتى ىستىق كۇتىلەدى. ەلىمىزدىڭ باتىسىندا 6-7 ماۋسىمدا كۇندىز اۋا تەمپەراتۋراسى +30…+38 گرادۋس بولادى, ال 8 ماۋسىمنان باستاپ +25…+30 گرادۋسقا دەيىن تومەندەيدى. رەسپۋبليكانىڭ سولتۇستىگىندە, سولتۇستىك-باتىسىندا جانە ورتالىعىندا كۇندىز سىناپ باعاناسى +22…+30 گرادۋستان +20…+25 گرادۋسقا دەيىن شامالى تومەندەيدى.