Qazaqstanda aldaǵy kúnderi 43 gradýsqa deıin ystyq kútiledi

Meteorologtardyń málimetinshe, aldaǵy kúnde Qazaqstannyń basym bóliginde aýa raıy qubylmaly bolady. Birneshe oblysta jańbyr jaýady.

Atap aıtqanda, 7-8 maýsymda soltústikte, 7 maýsymda ortalyqta, 8 maýsymda respýblıkanyń shyǵysynda qatty jaýyn-shashyn bolady. Sondaı-aq bul óńirlerde jańbyr jaýyp, kún kúrkirep, ekpindi jel soǵady. Al eldiń soltústigi, batysy, ortalyǵy men shyǵysynda burshaq jaýýy yqtımal. Sıpontıkterdiń boljamynsha, elimizdiń ońtústiginde kúndiz +35…+43 gradýsqa deıin, ońtústik-shyǵysta +35…+40 gradýsqa deıin qatty ystyq kútiledi. Elimizdiń batysynda 6-7 maýsymda kúndiz aýa temperatýrasy +30…+38 gradýs bolady, al 8 maýsymnan bastap +25…+30 gradýsqa deıin tómendeıdi. Respýblıkanyń soltústiginde, soltústik-batysynda jáne ortalyǵynda kúndiz synap baǵanasy +22…+30 gradýstan +20…+25 gradýsqa deıin shamaly tómendeıdi.