قازاقستاندا الەۋمەتىك كومەكتەن ءۇمىتتى مىڭداعان وتباسىنىڭ تابىسى مەن شىعىسى ەسەپتەلەتىن بولدى

فوتو: pexels.com

ەلىمىزدە اتاۋلى الەۋمەتتىك كومەكتەن ءۇمىتتى مىڭداعان وتباسىنىڭ تابىسى مەن شىعىسى ەسەپتەلەدى. مينيسترلىك جوسپار بويىنشا وتباسىنىڭ جىلجىمالى نە جىلجىمايتىن م ۇلىكتى, جيھاز, تۇرمىستىق تەحنيكانى ساتىپ الۋعا, وقۋ اقىسى مەن قوسىمشا ءبىلىم الۋعا, دەمالىس پەن ويىن-ساۋىققا, ساۋىقتىرۋعا, كرەديتتەردى وتەۋگە جۇمساعان اقشاسى تەكسەرىلەتىنىن مالىمدەدى. بۇل تۋرالى Stan.kz اقپارات اگەنتتىگى ينفورم بيۋرو باعدارلاماسىنا سىلتەمە جاساپ حابارلايدى.

ەڭبەك جانە حالىقتى الەۋمەتتىك قورعاۋ مينيسترلىگىنىڭ ايتۋىنشا, اتاۋلى الەۋمەتتىك كومەك تاعايىنداۋعا ءوتىنىش بەرگەن ادامدارعا كىرىستەرى مەن شىعىستارىن تەكسەرۋگە كەلىسىم الۋ ءۇشىن SMS-حابارلاما جىبەرىلەدى. بىراق بۇل بانكتىك قۇپيانى اشۋعا سەپ بولمايدى.

تەكسەرۋلەر اقپاراتتىق جۇيەلەردى ينتەگراتسيالاۋ ەسەبىنەن اۆتوماتتى تۇردە ىسكە اسىرىلعالى وتىر. ءارى جاردەماقى تاعايىنداۋ تەتىگىندەگى جاڭا وزگەرىستەر شىن مۇقتاج جانداردى انىقتاپ, نىسانالى قولداۋ كورسەتۋگە مۇمكىندىك بەرمەك.

ايتا كەتەيىك, 1 تامىزداعى جاعداي بويىنشا 70 مىڭنان استام وتباسىنداعى 372 مىڭعا جۋىق ازاماتقا اتاۋلى الەۋمەتتىك كومەك كورسەتىلگەن. ول ءۇشىن بيۋدجەتتەن 60 ميلليارد 500 ميلليون تەڭگە ءبولىنىپ وتىر.

ەسكە سالايىق, بيىل 1 قىركۇيەكتەن باستاپ ەلىمىزدىڭ بارلىق وڭىرىندە «الەۋمەتتىك ءاميان»شەڭبەرىندە وقۋشىلار تەگىن جانە جەڭىلدىكپەن تاماقتاندىرىلاتىنىن جازدىق.