Qazaqstanda áleýmetik kómekten úmitti myńdaǵan otbasynyń tabysy men shyǵysy esepteletin boldy

Foto: pexels.com

Elimizde ataýly áleýmettik kómekten úmitti myńdaǵan otbasynyń tabysy men shyǵysy esepteledi. Mınıstrlik jospar boıynsha otbasynyń jyljymaly ne jyljymaıtyn múlikti, jıhaz, turmystyq tehnıkany satyp alýǵa, oqý aqysy men qosymsha bilim alýǵa, demalys pen oıyn-saýyqqa, saýyqtyrýǵa, kredıtterdi óteýge jumsaǵan aqshasy tekseriletinin málimdedi. Bul týraly Stan.kz aqparat agenttigi Inform bıýro baǵdarlamasyna silteme jasap habarlaıdy.

Eńbek jáne halyqty áleýmettik qorǵaý mınıstrliginiń aıtýynsha, ataýly áleýmettik kómek taǵaıyndaýǵa ótinish bergen adamdarǵa kiristeri men shyǵystaryn tekserýge kelisim alý úshin SMS-habarlama jiberiledi. Biraq bul banktik qupııany ashýǵa sep bolmaıdy.

Tekserýler aqparattyq júıelerdi ıntegraııalaý esebinen avtomatty túrde iske asyrylǵaly otyr. Ári járdemaqy taǵaıyndaý tetigindegi jańa ózgerister shyn muqtaj jandardy anyqtap, nysanaly qoldaý kórsetýge múmkindik bermek.

Aıta keteıik, 1 tamyzdaǵy jaǵdaı boıynsha 70 myńnan astam otbasyndaǵy 372 myńǵa jýyq azamatqa ataýly áleýmettik kómek kórsetilgen. Ol úshin bıýdjetten 60 mıllıard 500 mıllıon teńge bólinip otyr.

Eske salaıyq, bıyl 1 qyrkúıekten bastap elimizdiń barlyq óńirinde «Áleýmettik ámııan»sheńberinde oqýshylar tegin jáne jeńildikpen tamaqtandyrylatynyn jazdyq.