قازاقستاندا الەۋمەتتىك سالانى قولداۋ جانە دامىتۋ ماسەلەلەرىنە باسىمدىق بەرىلەدى

Primeminister.kz رەداكتسياسى قازاقستاننىڭ اعىمداعى جىل قورىتىندىسى تۋرالى كەزەكتى شولۋدى ۇسىنادى. ول الەۋمەتتىك سالاعا ارنالادى.

? مەملەكەت باسشىسى بۇل جۇمىستىڭ ماڭىزدىلىعى تۋرالى ءاردايىم اتاپ وتەدى.

گەوساياسي تۇراقسىزدىققا قاراماستان, رەسپۋبليكادا الەۋمەتتىك مىندەتتەمەلەردىڭ بارلىعى مۇلتىكسىز ورىندالۋدا.

✅11 ايدىڭ قورىتىندىسى بويىنشا وڭىرلىك جۇمىسپەن قامتۋ كارتالارى اياسىندا 908,5 مىڭ ادام جۇمىسقا ورنالاستى, ونىڭ ىشىندە:

?257,1 مىڭ – ۇلتتىق جوبالاردى ىسكە اسىرۋ بارىسىندا;
?294,3 مىڭ – بوس جۇمىس ورىندارىنا;
?357,1 مىڭ – مەملەكەت باسشىسىنىڭ «10 مىڭ تۇرعىنعا 100 جۇمىس ورنى» باستاماسى اياسىندا.

✅ مەملەكەت سۋبسيديالايتىن جۇمىس ورىندارىنا بيىل 196,3 مىڭ ادام جۇمىسقا تۇردى.

✅ حالىقتىڭ الەۋمەتتىك وسال توپتارىنان شىققان ازاماتتارعا بيزنەس اشۋ ءۇشىن 400 اەك (شامامەن 1,3 ملن تەڭگە) مولشەرىندە 9,1 مىڭ مەملەكەتتىك گرانت بەرىلدى.

✅ ناۋرىزدا 21 جاستان 35 جاسقا دەيىنگى ءوز ءىسىن باستاعىسى كەلەتىن نەمەسە كاسىپكەرلىكپەن اينالىسىپ جۇرگەن جاستار ءۇشىن 2,5% جەڭىلدىكپەن نەسيە بەرۋ باعدارلاماسى ىسكە قوسىلدى.

?ناتيجەسىندە جالپى سوماسى 25,4 ملرد تەڭگەگە 5,4 مىڭ بيزنەس-جوبا ماقۇلداندى.

⚡️ مەملەكەت باسشىسىنىڭ «ۇلتتىق قور – بالالارعا» باستاماسى اياسىندا ونى ورىنداۋ تەتىگى ازىرلەنىپ, قاجەتتى زاڭنامالىق تۇزەتۋلەر قابىلداندى. جوبا 2024 جىلعى 1 قاڭتاردان باستالادى.

✅2023 جىلعى 1 قاڭتاردان باستاپ قازاقستاندا 600 مىڭعا جۋىق ازاماتتىق قىزمەتشىنىڭ جەكەلەگەن ساناتتارىنىڭ جالاقىسىن جىل سايىن ورتا ەسەپپەن 20%-عا كەزەڭ-كەزەڭمەن كوتەرۋ ءۇردىسى جالعاسىن تاپتى.

✅ 1 قاڭتاردان باستاپ رەسپۋبليكالىق بيۋدجەتتەن تولەنەتىن بارلىق جاردەماقىنىڭ مولشەرى 8,5%-عا كوبەيدى.

?1 قاڭتاردان باستاپ قازاقستاندا ىنتىماقتى زەينەتاقى 10,5%-عا ءوستى.

⚡️وتباسىنىڭ تسيفرلىق كارتاسى اياسىندا تابىسى كەدەيلىك شەگىنەن تومەن وتباسىلارعا پرواكتيۆتى تۇردە الەۋمەتتىك قولداۋ تاعايىنداۋ ەنگىزىلدى.

✅1 جەلتوقسانداعى جاعداي بويىنشا اتاۋلى الەۋمەتتىك كومەك 113,6 مىڭ وتباسىنان 595,7 مىڭ ادامعا تاعايىندالدى.