Qazaqstanda alǵashqy AES salynatyn oryn resmı túrde bekitildi

Foto:pixabay.com

Úkimet óz qaýlysymen Qazaqstanda alǵashqy atom elektr stanııasyn salý ornyn resmı túrde bekitti. Bul týraly qandastar.kz habarlaıdy.

 Stan.kz aqparat agenttigi jazǵandaı, Qazaqstanda atom stanııasyn salý ornyn bekitý týraly úkimet qaýlysy resmı normatıvtik aktiler bazasynda jarııalandy.

«Iadrolyq qondyrǵy – «Atom elektr stanııasy» qurylysyn júrgizý orny retinde Almaty oblysynyń Jambyl aýdany belgilensin», – delingen qujatta.

Premer-mınıstr Oljas Bektenov 30 jeltoqsanda qujatqa qol qoıǵan. Degenmen buıryq 25 aqpanda jarııalanǵan kúni kúshine endi.

Aıta keteıik, 8 qańtarda prezıdent Qasym-Jomart Toqaev úkimetke Qazaqstanda atom elektr stanııasyn salýdy tezdetýdi usynǵan edi.

Eske salaıyq, buǵan deıin energetıka mınıstrligi elimizdegi AES qurylysy sheteldik nesıeler esebinen salynatynyn jetkizdi. Aıtýynsha, AES salýǵa Ulttyq qor men zeınetaqy qoryndaǵy aqsha jumsalmaıdy. Vedomstvo jetkizýshilerge AES salý jobasyn qarjylandyrýdyń túrli nusqalaryn usynatynyn aıtty. Iaǵnı eksporttyq nesıe men halyqaralyq qarjy ınstıtýttaryn qarjylandyrýdy tartatynyn atap ótti. Sonymen qatar atom elektr stanııalaryn salý jobasyn qarjylandyrýdyń ártúrli nusqalary usynylmaq.