الەم جاڭالىقتارى
قازاقستاندا Amazon ينتەرنەتى پايدا بولادى – تسيفرلىق دامۋ ءمينيسترى
فوتو: اشىق دەرەككوز
تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى قازاقستاننىڭ امەريكالىق Amazon كومپانياسىمەن ولاردىڭ ينتەرنەتىن پايدالانۋ تۋرالى كەلىسىمگە قول قوياتىنىن مالىمدەدى. بۇل تۋرالى Stan.kzاقپارات اگەنتتىگى حابارلايدى.
مينيستر جاسلان ماديەۆ, ازيا-تىنىق مۇحيتى ەلدەرىنىڭ تسيفرلىق ينكليۋزيا جانە ترانسفورماتسيا جونىندەگى مينيسترلەر كونفەرەنتسياسىندا, قازاقستان وسىعان بايلانىستى بىرقاتار كەلىسىمدەرگە قول قوياتىنىن ايتتى.
“ماڭىزدىلاردىڭ ءبىرى – Amazon Kuiper. وسى باعىتتا باسەكەلەستىكتى دامىتا وتىرىپ, ءبىز ازاماتتارعا قولجەتىمدى باعادا جاقسىراق قىزمەت الا الامىز دەپ ويلايمىن”, – دەدى مينيستر.
Amazon Kuiper – سپۋتنيكتىك ينتەرنەت قىزمەتتەرىن ۇسىناتىن Amazon ەنشىلەس ۇيىمى. جاسلان ماديەۆ Amazon Kuiper-ءدى Starlink, OneWeb انالوگى دەپ اتادى.
ايتا كەتەيىك, بۇعان دەيىن 2024 جىلدىڭ اقپانىندا تسيفرلىق دامۋ, يننوۆاتسيالار جانە اەروعارىش ونەركاسىبىنىڭ بۇرىنعى مينيسترى باعدات مۋسين قازاقستانعا Starlink جابدىعىنىڭ العاشقى پارتياسى جەتكىزىلگەنىن ايتقان ەدى. ول كەزدە ەلگە Starlink قوندىرعىسى 500 داناسى اكەلىنگەن.
ال 2024 جىلدىڭ شىلدە ايىندا تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى جاسلان ماديەۆ كومپانيانىڭ ساياساتىنا بايلانىستى 136 مەكتەپ Starlink ينتەرنەت جەلىسىنە قوسىلا المايتىنىنحابارلاعان.
