Qazaqstanda «Araq koroli» Sultan Mahmadov ustaldy

Foto: ashyq derekkóz

Qarjylyq monıtorıng agenttigi (QMA) Jambyl oblysynda «Araq koroli» atanǵan Sultan Mahmadov basqarǵan qylmystyq toptyń qyzmeti toqtatylǵanyn habarlady, dep jazdy qandastar.kz

Bul týraly Stan.kz aqparat agenttigi habarlaıdy.

Agenttiktiń málimetinshe, «BM» JShS men onymen baılanysy bar ózge de kompanııalar basshylyǵyna qatysty qylmystyq top quryp, zańsyz kásipkerlik qyzmetpen aınalysqany boıynsha tergeý bastalǵan.

«Tergeý deregine saı, Mahmadov Sultannyń basshylyǵymen áreket etken uıymdasqan qylmystyq top mindetti lıenzııasyz Jambyl oblysy aýmaǵynda akızdeletin ónim – etıl spırtin jappaı óndirý, saqtaý, tasymaldaý jáne ótkizý qyzmetin júrgizgen.

Aıta ketý kerek, Mahmadov 2010 jyly dál osyndaı qylmys úshin sottalǵan.

Zańsyz áreketti jasyrý maqsatynda kúdiktiler óz jumysyn bıoetanol men mal azyǵyna arnalǵan qospalardy zańdy túrde óndirý retinde kórsetken.

Alaıda is júzinde seriktestik aýmaǵynda ónerkásiptik kólemde etıl spırtin óndirýge tolyq jabdyqtalǵan jasyryn spırt zaýyty uıymdastyrylǵan», — delingen habarlamada.

Agenttiktiń dereginshe, uıymdastyrýshylar birneshe óńirdi qamtıtyn ótkizý jelisin qurǵan.

«Etıl spırtin jetkizýdiń turaqty arnasy jolǵa qoıylyp, ol Jambyl jáne Shyǵys Qazaqstan oblystarynda, sondaı-aq Shymkent qalasynda ornalasqan jasyryn ehtarǵa jóneltilip otyrǵan. Bul ehtarda jetkizilgen spırtten turǵyndardyń densaýlyǵyna eleýli qaýip tóndiretin sýrrogat alkogol ónimderi daıyndalǵan.

Jedel-tergeý is-sharalarynyń nátıjesinde kóleńkeli aınalymnan quny 280 mln teńgeden asatyn 122 myń lıtr etıl spırti tárkilendi.

Sonymen qatar óndiristik baza aýmaǵynda júrgizilgen tintý barysynda 18 dana maınıng jabdyǵy anyqtaldy. Qazirgi ýaqytta tárkileý maqsatynda 7 avtokólikke tyıym salyndy. Uıymdastyrýshy 2 aı merzimge qamaýǵa alyndy», — delingen habarlamada.

Agenttik ókili tergeý jalǵasyp jatqanyn, QR QPK-niń 201-babyna sáıkes ózge aqparat jarııa etilmeıtinin atap ótti.

Aıta ketsek, Sultan Mahmadov BAQ-ta «Araq koroli» degen atpen tanymal tarazdyq kásipker, zańsyz alkogol óndirý isine baılanysty atyshýly qylmystyq istiń basty fıgýranty sanalady. Onyń bul laqap aty 2009 jyly úıqamaqtan qashýǵa talpynys jasaǵannan keıin keńinen taraǵan.

Sol kezdegi derekterge súıensek, 2009 jyldyń 6 tamyzynda Mahmadov kúzetshilerdi aldap, ekinshi qabattaǵy jatyn bólmesiniń terezesinen sekirip túsip, úı aýlasynan qara qaqpa arqyly shyǵyp ketken. Dalada kútip turǵan kólikke otyryp, belgisiz baǵytqa ketken.

Mahmadov negizin qalaǵan «BM» JShS bastapqyda bankalarǵa qaqpaq shyǵaratyn shaǵyn óndiris bolsa, keıin qurama jem, qus eti, bıoetanol jáne qant óndiretin iri kásiporynǵa aınalǵan.

2010 jyly ol zańsyz alkogol óndirip, ony satqani úshin sottalyp, kóleńkeli bıznesti uıymdastyrǵany dáleldengen soń jazaǵa tartylǵan.