Qazaqstanda árbir úshinshi eńbek mıgranty bolyp qytaılyqtar jumys isteıdi

Foto: pixabay.com

Eńbek jáne halyqty áleýmettik qorǵaý mınıstrligi Qazaqstanda 12 882 shetel azamaty jumys isteıtinin málim etti. Bul týraly Stan.kz aqparat agenttigi habarlaıdy.

«Shetel jumys kúshin (ShJK) tartýǵa ruqsattardyń arasynda mynadaı sanattar bar: basshylar men olardyń orynbasarlary úshin 565 ruqsat (birinshi sanat), qurylymdyq bólimshelerdiń basshylary úshin 2 671 ruqsat (ekinshi sanat). Tartylǵan ShJK negizgi bóligi úshinshi (mamandar) jáne tórtinshi (bilikti jumysshylar) sanattarǵa jatady – tıisinshe, olar 5 871 jáne 595 adam. Sondaı-aq, maýsymdyq jumystarǵa 564 adam, al korporatıvtik aýystyrý aıasynda 2 616 adam tartyldy», – delingen habarlamada.

Búgingi tańda elimizde shetel jumys kúshin paıdalanatyn 1 657 jumys berýshi bar. Olarda 456 myńnan astam Qazaqstan azamaty jumys isteıdi, bul qyzmetkerlerdiń jalpy sanynyń 97,2% ekeni aıtyldy.

Sonymen qatar ekonomıkalyq qyzmet túrleri boıynsha eń kóp jumys isteıtinder qurylys salasynda – 4 326 adam (33,5%) isteıtini anyqtaldy.

Al óńdeý ónerkásibi – 1 370 (10,6%), taý-ken ónerkásibi jáne karerlerdi qazý – 1 298 (10%), kásibı, ǵylymı jáne tehnıkalyq qyzmet – 843 (6,5%) jáne aýyl, orman jáne balyq sharýashylyǵy – 600 adamdy (4,6 %) qurap otyr.

Mınıstrliktiń dereginshe, elde Qytaıdan 4 045 (31,4%), Úndistannan 1 152 (8,9%), Túrkııadan 1 110 (8,6%), О́zbekstannan 673 (5,2%) eńbek mıgranty kelip jumys isteıdi.

Eske salaıyq, Ulttyq qaýipsizdik komıteti shekaradan mıgranttardy arly-berli zańsyz ótkizýmen aınalysqan qylmystyq topty ustaǵanyn jazdyq. Mundaı jolmen paıdaǵa kenelgen 72 adam qamaýǵa alyndy. Ustaý operaııasy Jetisý, Jambyl jáne Túrkistan oblystarynda júrgizilgen. Qylmystyq top Qytaıdan, О́zbekstan men Qyrǵyzstannan jumysshylardy zańsyz ótkizip otyrǵan.