Qarjy jáne tólemder
Qazaqstanda artyq zeınetaqyny alýǵa tyıym salyna ma?

Foto: ashyq derekkóz
«BJZQ» AQ basqarma tóraǵasy Janat Qurmanov qazaqstandyqtar úshin artyq zeınetaqyny alýǵa tyıym salynýy múmkin degen qaýesetke qatysty pikir bildirdi, dep habarlaıdy qandastar.kz
2025 jylǵy 12 aqpanda Janat Qurmanov Senatta Memleket basshysynyń tapsyrmasy boıynsha salymshylarǵa zeınetaqy jınaqtarynyń bir bóligin turǵyn úı jaǵdaıyn jaqsartýǵa jáne emdelýge jumsaýǵa ruqsat berilgenin eske saldy.
«Bul baǵdarlamany júzege asyrý jalǵasady, sondyqtan qazirgi ýaqytta bul baǵdarlamany toqtatý boıynsha eshqandaı usynystar nemese qadamdar qarastyrylyp jatqan joq», – dedi ol.
2021 jyldyń aqpan aıynan bastap salymshylardyń zeınetaqy jınaqtarynyń bir bóligin merziminen buryn alyp qoıý kólemi 4,4 trln teńgeni qurady. Negizgi bóligi, shamamen 85% turǵyn úı máselelerin sheshýge jumsaldy.