جاڭالىقتار
قازاقستاندا اتىشۋلى سالىق ەنگىزىلمەيتىن بولدى
![](https://qandastar.kz/wp-content/uploads/2024/05/IMG_5793-704x405.jpeg)
وسىعان دەيىن اكتسيزدى ەنگىزۋ ماسەلەسى سالىق زاڭناماسىن جەتىلدىرۋ جونىندەگى جۇمىس توبىنىڭ اياسىندا تالقىلانعان ەدى.
ۇكىمەت باسشىسى ءوز مالىمدەمەسىندە ەكونوميكالىق زەرتتەۋلەر ينستيتۋتىنىڭ (ۇلتتىق ەكونوميكا مينيسترلىگى جانىنداعى) تالدامالى دەرەكتەرىن كەلتىردى.
«ونداعى اقپاراتقا سايكەس, قۇرامىندا قانتى بار سۋسىندارعا اكتسيز سالىعىن ەنگىزۋ كەزىندە سۋسىندار ءوندىرىسى 26,4% تومەندەۋى مۇمكىن. ايتا كەتۋ كەرەك, بيۋدجەتكە جاڭا سالىقتار مەن تولەمدەردى بەلگىلەۋ جانە قولدانىستاعى سالىقتار مەن تولەمدەردىڭ كۇشىن جويۋ, ستاۆكالاردىڭ وزگەرۋى مەملەكەت پەن سالىق تولەۋشىلەردىڭ ەكونوميكالىق مۇددەلەرىنىڭ تەپە-تەڭدىگىن ساقتاي وتىرىپ قاراستىرىلۋى كەرەك.
وسىلايشا, اتالعان تاۋەكەلدەردى ەسكەرە وتىرىپ, جاڭا سالىق كودەكسىنىڭ جوباسى شەڭبەرىندە قۇرامىندا قانتى بار سۋسىندارعا اكتسيز ەنگىزۋ جوسپارى قاراستىرىلمايدى», – دەلىنگەن پرەمەر-مينيستر حابارلاماسىندا.
بۇعان دەيىن ۇلتتىق ەكونوميكا مينيسترلىگى «ازاماتتاردى سەمىزدىكتەن قۇتقارۋ» ءۇشىن قۇرامىندا قانتى بار ونىمدەرگە جاڭا سالىق ەنگىزۋ ماسەلەسىن زەرتتەپ جاتقانى حابارلانعان.