Qazaqstanda atyshýly salyq engizilmeıtin boldy

Osyǵan deıin akızdi engizý máselesi salyq zańnamasyn jetildirý jónindegi jumys tobynyń aıasynda talqylanǵan edi.

Úkimet basshysy óz málimdemesinde ekonomıkalyq zertteýler ınstıtýtynyń (ulttyq ekonomıka mınıstrligi janyndaǵy) taldamaly derekterin keltirdi.

«Ondaǵy aqparatqa sáıkes, quramynda qanty bar sýsyndarǵa akız salyǵyn engizý kezinde sýsyndar óndirisi 26,4% tómendeýi múmkin. Aıta ketý kerek, bıýdjetke jańa salyqtar men tólemderdi belgileý jáne qoldanystaǵy salyqtar men tólemderdiń kúshin joıý, stavkalardyń ózgerýi memleket pen salyq tóleýshilerdiń ekonomıkalyq múddeleriniń tepe-teńdigin saqtaı otyryp qarastyrylýy kerek.

Osylaısha, atalǵan táýekelderdi eskere otyryp, jańa salyq kodeksiniń jobasy sheńberinde quramynda qanty bar sýsyndarǵa akız engizý jospary qarastyrylmaıdy», – delingen premer-mınıstr habarlamasynda.

Buǵan deıin ulttyq ekonomıka mınıstrligi «azamattardy semizdikten qutqarý» úshin quramynda qanty bar ónimderge jańa salyq engizý máselesin zerttep jatqany habarlanǵan.