Qazaqstanda avtomobılderdiń «kóleńkeli» ımportyna baqylaý kúsheıtiledi

Foto: ashyq derekkóz

Qazaqstannyń avtokólik odaǵynyń prezıdenti Anar Maqasheva Úkimet otyrysynda mashına jasaý salasyndaǵy qazirgi ahýal týraly habardar etti, dep habarlady Qandastar.kz. Máselen, jalpy mashına jasaý salasyndaǵy avtomobıl jasaý úlesi 39,4%-dy qurady, al esepti kezeńde jańa mashınalardy satýdyń jalpy kólemindegi otandyq avtomobılderdiń úlesi 63%-ǵa jetti.

QR Úkimetiniń resmı Telegram-kanaly málim etkendeı, osy jyldyń qorytyndysy boıynsha Qazaqstanda 130 myńnan astam jeńil avtomobılder men kommerııalyq tehnıka shyǵarylady dep kútilýde.

Avtoóndirýshilerdiń aldynda turǵan negizgi problemalardyń qatarynda logıstıka, sondaı-aq Qazaqstanǵa «qylmystyq» ótkeni bar jáne tehnıkalyq reglamentke sáıkes kelmeıtin avtomobılderdi ákelý isi turǵany atap ótildi.

Osyǵan baılanysty Premer-mınıstr memlekettik organǵa kólikti «kóleńkeli» jetkizý isimen aınalysýdy tapsyrdy.

«Másele óte mańyzdy. Ol otandyq avtoóndirýshiler úshin josyqsyz básekelestik týǵyzady. Bul ásirese júk kóliginde baıqalady. Keden organdary, standarttaý komıteti bul máselemen baıypty aınalysýǵa tıis. Sondaı-aq polıııa da qosylýy kerek. Men avtomobıl zaýyttarynyń birinde óndirýshilermen kezdestim, olar: «biz óndiremiz, biraq munda Eýro2 retinde keletin tehnıkamen básekege túse almaımyz, olarda Eýro5 qujattary qandaı da bir keremet jolmen paıda bolady» degendi aıtty. Munda qatań tártip ornatý qajet», – dep atap ótti Oljas Bektenov.