Qazaqstanda azamattyq qorǵaý qyzmetkerleriniń mártebesi kóteriledi

Foto: Arman Ahatov

Qazaqstanda azamattyq qorǵaý qyzmetkerleriniń mártebesi kóteriledi, dep jazady qandastar.kz

Májilis depýtattary azamattyq qorǵaý máseleleri boıynsha zań jobasyn birinshi oqylymda maquldady. Usynylyp otyrǵan normalar azamattyq qorǵaý organdary qyzmetkerleriniń áleýmettik mártebesin arttyrýǵa, adam kóp jınalatyn obektilerdi paıdalanýǵa qabyldaý kezindegi órt qaýipsizdigin baqylaýdy jańartýǵa baǵyttalǵan.

Sondaı-aq qaýipti óndiristik obektilerdi jańartý jáne tehnıkalyq qaıta jaraqtandyrýdyń jıyntyq josparyn azamattyq qorǵaý salasyndaǵy ýákiletti organmen kelisý, seısmıkalyq qaýipsizdikti qamtamasyz etý normalary qarastyrylǵan. Joba Májiliske 2023 jyldyń qazan aıynda tústi. Jumys tobynyń 19 otyrysy ótip, negizgi 10 máseleni sheshýge baǵyttalǵan 4 kodeks pen 17 zańǵa túzetýler engiziledi. Jobada azamattyq qorǵaý organdary qyzmetkerleriniń mártebesin jáne azamattyq qorǵaý organdarynda qyzmet etý tártibin quqyqtyq deńgeıde belgileý usynylady.

Zań jobasyn qabyldaý qoǵamdyq qaýipsizdikti arttyrýǵa, azamattyq qorǵaý organdary qyzmetkerleriniń eńbek jaǵdaıyn jaqsartýǵa, tótenshe jaǵdaılarǵa daıyndyqty arttyrýǵa yqpal etedi.