قازاقستاندا بالا تۋ جاسى زاڭمەن بەكىتىلمەك

فوتو: اشىق دەرەككو

ەندى ەلىمىزدە بالا تۋ جاسى زاڭمەن بەكىتىلەدى, دەپ حابارلايدى qandastar.kz  Skifnews.kz اقپارات پورتالىنا سىلتەمە جاساپ.

15 پەن 49 جاس ارالىعىنداعى قىز-كەلىنشەكتەر «رەپرودۋكتيۆتى جاستا» بولىپ سانالادى. بۇل ۇعىم حالىق دەنساۋلىعى جانە دەنساۋلىق ساقتاۋ جۇيەسى كودەسىنە ەنگىزىلەدى.

دەنساۋلىق ساقتاۋ مينيسترلىگىنىڭ مالىمەتىنشە, 42 جاستان كەيىن قىز-كەلىنشەكتەردىڭ بوسانۋى قيىندايدى. مۇنى كلينيكالىق تاجىريبە كورسەتكەن. جىل سايىن رەپرودۋكتيۆتى كلينيكاعا 49 جاستان اسقان 25-30 ايەل جۇگىنەدى ەكەن. بۇل ايەلدەر 10-12 جىل بۇرىن قاتىرىپ قويعان جۇمىرتقا كلەتكاسىن قولدانادى نەمەسە ەكستراكورپورالدى ۇرىقتاندىرۋ جاسايدى. وتكەن جىلى ەكو-نىڭ قىزمەتىنە 28 ايەل جۇگىنىپ, ونىڭ جارتىسى بوسانىپتى.