Qazaqstanda balalar men jastarǵa qandaı qoldaý bar?

Foto: Aqorda

Memleket basshysy «Jańa adamdar» forýmynda eldegi jastar saıasatyna qatysty pikir bildirdi. Sondaı-aq memleket tarapynan balalarǵa jasalǵan múmkindikti de tilge tıek etti, dep jazdy qandastar.kz.

«Qazaqstan balalar men jastarǵa jan-jaqty qoldaý kórsetetin álemdegi az eldiń biri. Dúnıege kelgen ár sábı birden ulttyq baǵdarlamalardyń qatysýshysyna aınalady. О́zderińizge málim, ekinshi jyl qatarynan Ulttyq qor tabysynyń bir bóligi balalardyń esepshotyna túsip jatyr. Kámelet jasyna tolǵanda olar jınaqtalǵan qarjyny oqýǵa nemese baspana alýǵa jumsaı alady. Bes jastan asqan balalarǵa arnalǵan «Keleshek» baǵdarlamasy iske qosyldy”, — dedi Prezıdent.

Memleket basshysy bul júıe ata-analar úshin óte qolaıly ekenin alǵa tartty. Sol arqyly balalarynyń bolashaqta alańsyz bilim alýyna qarajat jınaıdy. Ár bala alty-jeti jastan bastap mektepte tegin bilim alady.