جاڭالىقتار
قازاقستاندا بانك قىزمەتكەرلەرى ادامداردى ۇرلاپ, ولارعا 3,7 ميلليارد تەڭگە نەسيە راسىمدەگەن
فوتو: سۆەتلانا ماكوۆەەۆا
اقمولا وبلىسىندا الەۋمەتتىك تۇرعىدان وسال ازاماتتاردى ۇرلاپ, ولاردىڭ اتىنا نەسيە راسىمدەدى دەپ كۇدىككە ىلىنگەن قىلمىستىق توپقا قاتىستى اتىشۋلى ءىستىڭ تەرگەۋى اياقتالدى, دەپ جازدى qandastar.kz
بۇل تۋرالى Stan.kzاقپارات اگەنتتىگى حابارلايدى.
تەرگەۋ مالىمەتىنشە, ۇيىمداسقان قىلمىستىق توپ قۇرامىنا ەلىمىزدىڭ ءتۇرلى وڭىرلەرىنەن 25 ادام كىرگەن. ولاردىڭ اراسىندا قارجى نارىعىن رەتتەۋ جانە دامىتۋ اگەنتتىگىنىڭ ورتالىق اپپاراتىنىڭ جانە بىرقاتار بانكتەردىڭ («Kaspi Bank», «ForteBank», «ەۋرازيالىق بانك», «Jusan bank») قىزمەتكەرلەرى بولعان. ولاردىڭ قاتىسۋىمەن 5 جىلدان استام ۋاقىت بويى الاياقتىق ارەكەتتەر جاسالعان.
348 ازامات قىلمىستىڭ قۇربانى بولعان. كەلتىرىلگەن شىعىن كولەمى 3,7 ميلليارد تەڭگە بولعان.
تەرگەۋ بارىسىندا قىلمىستىق جولمەن تابىلعان م ۇلىكتەر انىقتالدى. ولار الماتى قالاسىنداعى پاتەرلەرمەن جەر تەلىمدەرى, قىمبات اۆتوكولىكتەر, ءىرى كولەمدەگى قولما-قول اقشا. تاركىلەنگەننىڭ جالپى قۇنى – 2,7 ميلليارد تەڭگە.
توپتىڭ بارلىق قاتىسۋشىلارى ۇستالىپ, ۋاقىتشا ۇستاۋ يزولياتورىنا قامالدى. قازىر قىلمىستىق ءىس پروتسەسس قاتىسۋشىلارىنا تانىسۋعا بەرىلدى, تۇپكىلىكتى شەشىمدى سوت شىعارادى.
سونداي-اق پروكۋراتۋرا حالىقتى الاياقتارعا سەنبەۋگە شاقىردى.
