Qazaqstanda bank qyzmetkerleri adamdardy urlap, olarǵa 3,7 mıllıard teńge nesıe rásimdegen

Foto: Svetlana Makoveeva

Aqmola oblysynda áleýmettik turǵydan osal azamattardy urlap, olardyń atyna nesıe rásimdedi dep kúdikke ilingen qylmystyq topqa qatysty atyshýly istiń tergeýi aıaqtaldy, dep jazdy qandastar.kz

Bul týraly Stan.kzaqparat agenttigi habarlaıdy.

Tergeý málimetinshe, uıymdasqan qylmystyq top quramyna elimizdiń túrli óńirlerinen 25 adam kirgen. Olardyń arasynda Qarjy naryǵyn retteý jáne damytý agenttiginiń ortalyq apparatynyń jáne birqatar bankterdiń («Kaspi Bank», «ForteBank», «Eýrazııalyq Bank», «Jusan bank») qyzmetkerleri bolǵan. Olardyń qatysýymen 5 jyldan astam ýaqyt boıy alaıaqtyq áreketter jasalǵan.

348 azamat qylmystyń qurbany bolǵan. Keltirilgen shyǵyn kólemi 3,7 mıllıard teńge bolǵan.

Tergeý barysynda qylmystyq jolmen tabylǵan múlikter anyqtaldy. Olar Almaty qalasyndaǵy páterlermen jer telimderi, qymbat avtokólikter, iri kólemdegi qolma-qol aqsha. Tárkilengenniń jalpy quny – 2,7 mıllıard teńge.

Toptyń barlyq qatysýshylary ustalyp, ýaqytsha ustaý ızolıatoryna qamaldy. Qazir qylmystyq is proess qatysýshylaryna tanysýǵa berildi, túpkilikti sheshimdi sot shyǵarady.

Sondaı-aq prokýratýra halyqty alaıaqtarǵa senbeýge shaqyrdy.