قارجى جانە تولەمدەر
قازاقستاندا ءبىر ادامعا كاستراتسيا جاساۋ ءۇشىن بيۋدجەتتەن 130 مىڭ تەڭگە بولىنەدى
فوتو: اشىق دەرەككوز
بۇل سوماعا دارىگەرلەردىڭ كەڭەسى, تەكسەرۋ جانە جىلىنا 24 ينەكتسيا كىرەدى.
بيىل قوستاناي وبلىسىندا سوت شەشىمى بويىنشا 11 ادام حيميالىق كاستراتسيادان وتەدى. مۇنداي جازا كامەلەتكە تولماعاندارعا جىنىستىق قول سۇعىلماۋشىلىققا قارسى جاسالىپ وتىر, دەپ حابارلايدى Skifnews.kz اقپارات پورتالى.
كاستراتسيا جاسالۋ ءۇشىن مەملەكەتتىك بيۋدجەتتەن ءبىر ادامعا 130-135 مىڭ تەڭگە بولىنەدى. بۇل سوماعا دارىگەرلەردىڭ كەڭەسى, تەكسەرۋ جانە جىلىنا 24 ينەكتسيا كىرەدى.
وسى قىزمەتتى كورسەتۋ بويىنشا مەملەكەتتىك ساتىپ الۋدى جىتىقارا اۋداندىق اۋرۋحاناسى مەن ارقالىق اۋداندىق ەمحاناسى جەڭىپ الدى.
كەلىسىمشارتتار ءالى قارالىپ جاتىر. كامەلەتكە تولماعاندارعا زورلىق-زومبىلىق جاساعانى ءۇشىن سوتتالعان 11 ادامعا ارنايى پرەپاراتتاردى ەنگىزۋ ارقىلى حيميالىق كاستراتسيا جاسالادى.
