جاڭالىقتار
قازاقستاندا ءبىر سوتتالۋشىنى اسىراۋ ءۇشىن تاۋلىگىنە قانشا تەڭگە جۇمسالادى?
فوتو: qazaqstan.tv
ىشكى ىستەر مينيسترلىگى قىلمىستىق-اتقارۋ جۇيەسى كوميتەتى توراعاسىنىڭ ورىنباسارى جانىبەك بايماعانبەتوۆ ەلىمىزدە ءار سوتتالۋشىنى اسىراۋ ءۇشىن مەملەكەتتەن قانشا اقشا بولىنەتىنىن ايتتى. بۇل تۋرالى Stan.kz اقپارات اگەنتتىگى حابارلايدى.
ۆەدومستۆونىڭ رەسمي وكىلىنىڭ ايتۋىنشا, بىر سوتتالۋشىعا مەملەكەت بيۋدجەتىنەن تاۋلىگىنە 7500 تەڭگە بولىنەدى. سايكەسىنشە, 30 مىڭ ادامعا كۇنىنە 225 ميلليون تەڭگە جۇمسالادى.
“بۇگىندە قازاقستاننىڭ تۇزەۋ مەكەمەلەرىندە 30 مىڭنان استام سوتتالۋشى جازاسىن وتەپ جاتىر. ونىڭ 2 مىڭنان استامى – ايەلدەر. ەلىمىزدەگى تەرگەۋ يزولياتورلارىندا (سيزو) 7 مىڭنان استام ادام قاماۋدا جاتىر”, – دەدى ورتالىق كوممۋنيكاتسيالار قىزمەتىندە وتكەن بريفينگتە قىلمىستىق ىزدەستىرۋ كوميتەتىنىڭ توراعاسى تەڭىزجان جانىبەكوۆ.
بۇعان دەيىن قۋاندىق بيشىمباەۆتىڭ جازاسىن قايدا وتەيتىنى, تۇرمەدە نەمەن اينالىساتىنى تۋرالى جازعان ەدىك.
