Qazaqstanda bir sottalýshyny asyraý úshin táýligine qansha teńge jumsalady?

Foto: qazaqstan.tv

Ishki ister mınıstrligi qylmystyq-atqarý júıesi komıteti tóraǵasynyń orynbasary Jánibek Baımaǵanbetov elimizde ár sottalýshyny asyraý úshin memleketten qansha aqsha bólinetinin aıtty. Bul týraly Stan.kz aqparat agenttigi habarlaıdy.

Vedomstvonyń resmı ókiliniń aıtýynsha, bir sottalýshyǵa memleket bıýdjetinen táýligine 7500 teńge bólinedi. Sáıkesinshe, 30 myń adamǵa kúnine 225 mıllıon teńge jumsalady.

“Búginde Qazaqstannyń túzeý mekemelerinde 30 myńnan astam sottalýshy jazasyn ótep jatyr. Onyń 2 myńnan astamy – áıelder. Elimizdegi tergeý ızolıatorlarynda (SIZO) 7 myńnan astam adam qamaýda jatyr”, – dedi ortalyq kommýnıkaııalar qyzmetinde ótken brıfıngte qylmystyq izdestirý komıtetiniń tóraǵasy Teńizjan Jánibekov.

Buǵan deıin Qýandyq Bıshimbaevtyń jazasyn qaıda óteıtini, túrmede nemen aınalysatyny týraly jazǵan edik.