Qazaqstanda blogerler salyq tóleı me: Mınıstrlik jaýap berdi

Foto: Adobe Stock

Qazaqstanda blogerler qandaı tártippen salyq tóleıtini belgili boldy. Bul týraly Stan.kz aqparat agenttigi habarlaıdy.

Qarjy mınıstrligi memlekettik kirister komıteti arnaıy salyq rejımderi basqarmasynyń basshysy Erqanat Shynbergen áleýmettik jeliler arqyly jumys isteıtin blogerlerge salyq salý qalaı júrgiziletinin aıtyp berdi.

Onyń aıtýynsha, ınternet-platformalarda jumyspen qamtý aıasynda jeke tulǵalar 33 qyzmet túrin atqara alady. Alaıda, áleýmettik kodekste belgilengen ınternet-platforma uǵymynda áleýmettik jeliler joq, sondyqtan blogerler qazir memlekettik kirister komıtetiniń quzyrynda emes.

«Bul Iandeks, Glovo jáne Wolt sııaqty ınternet-platformalardy qamtıdy, bul jerde kiris ınternet-platformanyń ózinde emes, jarnama berýshilerden keledi. Qazir bul másele de rettelip, blogerlerge saraptama jasalyp, halyqaralyq tájirıbeler de zerttelýde», – dedi Erqanat Shynbergen.

Onyń aıtýynsha, Qazaqstanda blogerlerdiń barlyǵy derlik jeke kásipker retinde tirkelgen.

«Taǵy bir másele – olar óz kiristerin tolyq kórsete me? Bul baǵytta jumystar júrgizilýde. Barlyǵynda tirkeý bar, óıtkeni olar tirkelýge mindetti. Biraq, bul ınternet-platformalar sııaqty bólek segment emes, jalpy bıznes retinde júredi. Bul bólek rettelmegen, «onlaın platformalar jáne onlaın jarnama týraly» zań bar, onda salyq týraly emes, tek qyzmet týraly aıtylady», – dedi mınıstrlik ókili.

Eske salsaq, buaǵan deıin Qazaqstanda 2026 jyldan bastap jańa salyq kodeksi iske qosylatyny týraly jazǵan edik.