Qazaqstanda bolǵan sý tasqynyna jahandyq jylyný proesi áser etti – Toqaev

Foto: ashyq derekkóz

Qasym-Jomart Toqaev ShYU otyrysynda ekologııa jáne klımattyń ózgerýine qarsy kúres salalaryndaǵy yntymaqtastyqtyń ózektiligine toqtaldy. Bul týraly Stan.kz aqparat agenttigi habarlaıdy.

Prezıdenttiń aıtýynsha, Qazaqstanda bolǵan sý tasqynyna jahandyq jylyný proesi áser etken.
“Biz túrli tabıǵı kataklızmderdiń aıtarlyqtaı kóbeıgenine kýá boldyq. Álemdegi barsha memleket budan orasan zor zardap shegip otyr. Jýyrda Qazaqstan buryn-sońdy bolmaǵan sý tasqynyn bastan ótkerdi. Mamandardyń pikirinshe, bul tabıǵat apatynyń aýqymy jahandyq jylyný proesimen tikeleı baılanysty.

Klımattyń syn-qaterlerin jalǵyz eńserý múmkin emes ekeni anyq. Álemdik qaýymdastyq ekonomıkany dekarbonızaııalaý jónindegi batyl qadamyn jalǵastyrýǵa tıis dep sanaımyn. Biraq bul memleketterdiń damýǵa jáne jańǵyrýǵa baǵyttalǵan mańyzdy mindetterine zııanyn tıgizbeýi kerek”, – dedi Qasym-Jomart Toqaev.

Prezıdent ishki sý kózderiniń degradaııaǵa ushyraý problemasyn sheshý, jańa sý únemdeý tehnologııalaryn engizý jónindegi is-qımyl josparyn ázirleýdi usyndy. ShYU-ǵa múshe memleketterdiń bul baǵyttaǵy ortaq kúsh-jigeri BUU Bas Assambleıasy jarııalaǵan muzdyqtardy saqtaýdyń halyqaralyq jyly aıasyndaǵy maqsattardy júzege asyrýǵa ShYU-nyń qosqan naqty úlesi bolmaq.

Eske salsaq, buǵan deıin ShYU otyrysynda Belarýs prezıdenti Lýkashenkonyń áriptesterin dollardan bas tartýǵa shaqyrǵany týraly jazǵan edik.