قازاقستاندا بىلتىرمەن سالىستىرعاندا ازىق-ت ۇلىك قانشالىقتى ارزانداعان

مامىردىڭ سوڭىندا ازىق-ت ۇلىك باعاسى بىرنەشە جىل ىشىندە العاش رەت ايىنا 0,2 پايىز تومەندەگەنى بايقالدى.

ماسەلەن, ۇلتتىق ستاتيستيكا بيۋروسىنىڭ مالىمەتىنشە, 28 مامىر مەن 4 ماۋسىم ارالىعىندا الەۋمەتتىك ماڭىزى بار ونىمدەر 0,1 پايىز, ال جىلدىق كورسەتكىش بويىنشا 0,8 پايىز ارزانداعان.

ءبىر اپتا ىشىندە قىرىققابات 9,7 پايىز ارزاندادى. ەلدە ورتاشا ەسەپپەن قىرىققاباتتىڭ ءبىر كيلوسى شامامەن 116 تەڭگە تۇرادى. ال كارتوپ باعاسى كەيىنگى اپتادا 174 تەڭگەگە دەيىن, ياعني 4,4 پايىز وسكەن. قالعان ازىق-ت ۇلىك تاۋارلارىنىڭ باعاسى 0,1-0,2 پايىز ارالىعىندا ازداپ تومەندەگەنىن نەمەسە جوعارىلاعانىن بايقاۋعا بولادى.

ءبىر جىل بۇرىنعى باعامەن سالىستىرعاندا, پياز 41,6 پايىز ارزانداعان ەكەن. ودان كەيىن قاراقۇمىق – 37,1 پايىز, كۇنباعىس مايى – 23 پايىز, اق قىرىققابات 20 پايىز ارزانداعان.

4 ماۋسىمداعى مالىمەت بويىنشا بۇل تاۋارلاردىڭ ورتاشا باعاسى مىناداي: پياز – 116 تەڭگە; قاراقۇمىق – 238 تەڭگە; كۇنباعىس مايى – 632 تەڭگە; اق قىرىققابات – 116 تەڭگە. قازىر قازاقستاندا كۇرىش ءبىر جىل بۇرىنعى باعامەن سالىستىرعاندا الدەقايدا قىمبات, ياعني 14,9 پايىز كوتەرىلگەن: ورتاشا ەسەپپەن كۇرىشتىڭ 1 كيلوگرامى 490 تەڭگە تۇرادى.

تاۋىق سانى دا ايتارلىقتاي (كيلوگرامى 1341 تەڭگە, 10,1 پايىز) قىمباتتاعان. ال ءسابىز باعاسى شامامەن 195 تەڭگەگە (11,6 پايىز), ءبىرىنشى ساناتتاعى جۇمىرتقا 504 تەڭگەگە (7,9 پايىز) دەيىن كوتەرىلگەن. مامىردا تىركەلگەن ازىق-ت ۇلىك دەفلياتسياسىنا قاراماستان, ەلدەگى كۇنكورىس دەڭگەيى ايىنا 0,6 پايىزعا وسكەن.بۇل كەي تاۋارلار مەن قىزمەتتەردىڭ قىمباتتاعانىن كورسەتەدى.