Qazaqstanda byltyrmen salystyrǵanda azyq-túlik qanshalyqty arzandaǵan

Mamyrdyń sońynda azyq-túlik baǵasy birneshe jyl ishinde alǵash ret aıyna 0,2 paıyz tómendegeni baıqaldy.

Máselen, Ulttyq statıstıka bıýrosynyń málimetinshe, 28 mamyr men 4 maýsym aralyǵynda áleýmettik mańyzy bar ónimder 0,1 paıyz, al jyldyq kórsetkish boıynsha 0,8 paıyz arzandaǵan.

Bir apta ishinde qyryqqabat 9,7 paıyz arzandady. Elde ortasha eseppen qyryqqabattyń bir kılosy shamamen 116 teńge turady. Al kartop baǵasy keıingi aptada 174 teńgege deıin, ıaǵnı 4,4 paıyz ósken. Qalǵan azyq-túlik taýarlarynyń baǵasy 0,1-0,2 paıyz aralyǵynda azdap tómendegenin nemese joǵarylaǵanyn baıqaýǵa bolady.

Bir jyl burynǵy baǵamen salystyrǵanda, pııaz 41,6 paıyz arzandaǵan eken. Odan keıin qaraqumyq – 37,1 paıyz, kúnbaǵys maıy – 23 paıyz, aq qyryqqabat 20 paıyz arzandaǵan.

4 maýsymdaǵy málimet boıynsha bul taýarlardyń ortasha baǵasy mynadaı: pııaz – 116 teńge; qaraqumyq – 238 teńge; kúnbaǵys maıy – 632 teńge; aq qyryqqabat – 116 teńge. Qazir Qazaqstanda kúrish bir jyl burynǵy baǵamen salystyrǵanda áldeqaıda qymbat, ıaǵnı 14,9 paıyz kóterilgen: ortasha eseppen kúrishtiń 1 kılogramy 490 teńge turady.

Taýyq sany da aıtarlyqtaı (kılogramy 1341 teńge, 10,1 paıyz) qymbattaǵan. Al sábiz baǵasy shamamen 195 teńgege (11,6 paıyz), birinshi sanattaǵy jumyrtqa 504 teńgege (7,9 paıyz) deıin kóterilgen. Mamyrda tirkelgen azyq-túlik deflıaııasyna qaramastan, eldegi kúnkóris deńgeıi aıyna 0,6 paıyzǵa ósken.Bul keı taýarlar men qyzmetterdiń qymbattaǵanyn kórsetedi.