قازاقستاندا ءدامحانا مەن مەيرامحانالارعا قىزمەت كورسەتكەنى ءۇشىن 10% اقى الۋعا تىيىم سالىنباق

ەلىمىزدىڭ ساۋدا جانە ينتەگراتسيا ءمينيسترى ارمان شاققاليەۆ ءدامحانالار مەن مەيرامحانالاردا قىزمەت كورسەتكەنى ءۇشىن كەلۋشىلەردەن 10 پايىزدىق تولەم الۋعا تىيىم سالىناتىنىن ايتتى. بۇل تۋرالى Stan.kz اقپارات اگەنتتىگى حابارلايدى.

مەكەمەنىڭ كىرەبەرىسىندە قىزمەت كورسەتۋ شارتتارى جازىلعان ۇسىنىس قاعاز بار. ەگەر ءسىز دامحاناعا كىرسەڭىز, ونداعى تالاپتارمەن كەلىسكەنىڭىز. سونىمەن قاتار قازىر ىشكى ساۋدا ەرەجەلەرىنە وزگەرتۋلەر ازىرلەپ جاتىرمىز. ەگەر سىزگە قىزمەت كورسەتىلسە جانە ونىڭ ىشىندە قىزمەت اقىسى دا كىرسە, ءسىز ەشقانداي قوسىمشا اقى تولەمەيسىز. قازىر وسىنداي ەرەجەلەرى تالقىلاپ جاتىرمىز”, – دەدى ارمان شاققاليەۆ.

مينيستر مۇنداي وزگەرىستەردى ەلىمىزدەگى كەيبىر كاسىپكەرلەردىڭ قۇپ كورمەيتىنىن ايتتى. دەسە دە, اتالمىش وزگەرىستەر قازان ايىنان باستاپ ەنگىزىلمەك.

بۇعان دەيىن ءدامحانالار مەن مەيرامحانالارداعى داياشىلاردىڭ كورسەتكەن قىزمەتى ءۇشىنتۇتىنۋشىلار اقى تولەۋگە مىندەتتى ەمەس ەكەنىن جازعان ەدىك.