Qazaqstanda dári-dármek qymbattady: Kásipkerler buǵan tańbalaý júıesi sebep ekenin aıtty

Foto:depositphotos.com

Qazaqstanda dári-dármek qymbattady. Derekterge sensek, respýblıka boıynsha dári-dármek baǵasy bir jylda 10,5%-ǵa ósken. Dáriger qyzmetiniń baǵasynda da ósim baıqalady. Bul týraly qandastar.kz aqparat agenttigi 31-arnanyń Informbıýro baǵdarlamasyna silteme jasap habarlaıdy.

Qazaqstanda elge qajetti dári-dármektiń 20% ǵana óndiriledi. Basqa barlyq pozıııalar boıynsha elimiz tolyǵymen sheteldik kompanııalarǵa táýeldi. Dári-dármek baǵasyna dollar baǵamy da aıtarlyqtaı áser etken. О́ıtkeni, dıstrıbıýtorlyq jáne kóterme saýda kompanııalary óndirýshilermen shetel valıýtasynda kelisimshart jasaıdy. Mysaly, bir jyl ishinde eń tanymal dárilerdiń, sonyń ishinde aetılsalııl qyshqylynyń baǵasy 28%-ǵa derlik ósken.

“Aetılsalııl qyshqyly. Barlyǵyna derekterdiń matrıalyq kodyn engizý qajet. Termııalyq ádispen jasaý úshin 200 gradýsqa jýyq joǵary temperatýrany qajet etedi. Bul preparatqa teris áser etýi múmkin. Sáıkesinshe, barlyǵyn bólek basyp shyǵaryp, ár qaptamaǵa jeke-jeke jabystyrý kerek. Bul baǵany qymbattap jatyr”, – deıdi Qazaqstandyq táýelsiz dárihanalar qaýymdastyǵynyń tóraǵasy Talǵat Omarov.

Jyl basynan beri Almatyda 100-den asa dárihana jabylyp qalǵan. Dárihana ıeleri jańa engizilgen lıenzııalaý erejesine baılanysty dári-dármek tapshylyǵy da bar ekenin atap ótti.

“Qazir qys mezgili. Vırýsqa qarsy preparattarymyzdyń jartysy naryqtan joǵalyp ketti. Eki sebep bar: tańbalaý jáne sertıfıkattaý. Resmı túrde naryqta joq dárilerdiń barlyǵyn kez kelgen onlaın platformadan satyp alýǵa bolady. Qazaqstannyń túkpir-túkpirindegi shaǵyn dárihanalar men úılerdiń janyndaǵy dárihanalar úlken jelilerdiń básekelestigine tótep bere almaı jabylyp jatyr”, – deıdi dárihana ıeleriniń bastamashyl tobynyń ókili Kamılla Koberıdze.

Elimizdegi dárigerlik ambýlatorııalardaǵy medıına mamandarynyń qyzmeti de 10%-ǵa derlik, medıınalyq zerthanalar men rentgendik apparattar – 11,5%-ǵa, tis dárigerleriniń qyzmeti 13%-ǵa qymbattaǵan.