Qazaqstanda Dımash Qudaıbergenniń halyqaralyq mýzykalyq jobasynyń túsirilimi bastalady

Qyrkúıek aıynda Qazaqstanda Qytaı-Qazaqstan birlesken jańa halyqaralyq mýzykalyq jobanyń túsirilimi bastalady. Jobaǵa álemniń ár túkpirinen vokalıster qatysyp, eldiń eń ásem aımaqtaryna saıahat jasaıdy. Prodıýserlik jumysty áıgili qazaqstandyq ánshi Dımash Qudaıbergen atqarady, dep habarlaıdy Qandastar.kz dimashnews.com saıtyna silteme jasap.

Túsirilim 8-29 qyrkúıek aralyǵynda Túrkistan, Almaty, Aqtaý jáne Astana qalalarynda ótpek. Joba halyqaralyq arnalar arqyly búkil álemge taralyp, mıllıondaǵan kórermen Qazaqstannyń sulýlyǵyn jáne túrli elderdiń jańa oryndaýshylaryn tamashalaýǵa múmkindik alady.

Shamamen on jyl buryn meniń Hunan TV-degi saparym «Ánshi» shoýynan bastalǵan edi. Búgin men halyqaralyq shoýdy jasaýshy retinde jańa rólde oralyp otyrmyn. Bul – búkil álemdegi adamdardy biriktiretin mádenı yntymaqtastyq pen mýzyka tarıhyndaǵy jańa taraý, – dedi Dımash Qudaıbergen.

Ánshi sondaı-aq jobanyń júzege asyrylýy Qytaıdyń iri medıa-holdıngteriniń biri Hunan TV-men seriktestik aıasynda júrip jatqanyn atap ótti.