قازاقستاندا ءدىن قىزمەتكەرلەرى قانشا جالاقى الادى?

فوتو: اشىق دەرەككوز

قازاقستاندا 800-گە جۋىق ءدىن قىزمەتكەرى جالاقىمەن قامتاماسىز ەتىلدى, دەپ حابارلايدى  qandastar.kz قمدب ءباسپاسوز قىزمەتىنە سىلتەمە جاساپ.

ءدىني باسقارمانىڭ مالىمەتىنشە ءدىن قىزمەتكەرلەرى ەڭ تومەنگى جالاقى, ياعني 85 مىڭ تەڭگە الىپ وتىر.

قمدب-نىڭ 2021 جىلعى كەڭەيتىلگەن قورىتىندى ماجىلىسىندە باس ءمۇفتيدىڭ باستاماسىمەن 200 يمامعا جىل بويى ەڭ تومەنگى جالاقى كولەمىندە ايلىق تاعايىندالعان ەدى. 2023 جىلى بۇل كورسەتكىش 532 ءدىن قىزمەتكەرىنە ءوستى, — دەپ جازىلعان حابارلامادا.

ونىڭ ىشىندە ءوزىن-ءوزى قاراجاتپەن قامتاماسىز ەتە المايتىن 200 اۋىل يمامى, ۇزدىك 200 مەدرەسە شاكىرتى جانە 132 مەدرەسە ۇستازى بار.

ال قازىرگى تاڭدا قمدب ۇيىمداستىرۋىمەن 800-گە جۋىق ءدىن قىزمەتكەرى جالاقىمەن قامتاماسىز ەتىلۋدە, — دەدى قمدب.