Qazaqstanda dollar 1000 teńgege jetedi – ekonomıst

Foto: ashyq derekkóz

Qazaqstandyq ekonomıst dollardyń 1000 teńgege deıin kóterilýi múmkin ekenin aıtty. Bul týraly  qandastar.kz  Stan.kz aqparat agenttigine silteme jasap habarlaıdy.

Buǵan deıin Qazaqstandaǵy aqsha aıyrbastaý pýnkterinde dollar baǵamy 500 teńgege jetkeni týraly jazǵan edik.

Otandyq ekonomıst Sábıt Rysbaev Facebook paraqshasynda ulttyq valıýtanyń bolashaǵyna alańdaýshylyq bildirip, jazba jarııalady. Onyń pikirinshe, aldaǵy ýaqytta teńgeni kezekti aýyr devalvaııa kútip tur. Ol boljamdarynda ótken tájirıbege jáne álemdegi qazirgi saıası-ekonomıkalyq oqıǵalarǵa súıenedi.

“Reseıdiń Ortalyq bankisi ótken aıda paıyzdyq stavkany 21%-ge kóterdi. Reseıdiń tarıhynda bolmaǵan mundaı paıyz. Ipotekalyq kredıtteri 40%-dan asty. Reseı dollardy ustap turý úshin májbúrli túrde bardy buǵan. Jeltoqsanda taǵy da otyrys bolady. Sol kezde 23%-ke shyǵarady eken degen sybys bar”, – deıdi sarapshy óz jazbasynda.

Ekonomıst teńgeniń baǵamy reseılik rýblge tyǵyz baılanysty ekenin atap ótti.

“Reseıde 1998-de devalvaııa boldy. Rýbl 4 ese qunsyzdandy. Qazaqstanda 1999-da prezıdenttik saılaý ótti. Artynan teńge 2 ese qunsyzdandy. Reseıde 2014-te rýbl 1 túnde 2 ese qunsyzdandy. Qazaqstanda 2015-te saılaý ótti. Artynan teńge qunsyzdandy. Reseıdegi rýblge kúnimiz qarap otyr. Odan beri túrli odaqtarǵa kirip aldyq. Alda bizge de ońaı bolaıyn dep turǵan joq. Aıdyń kúnniń amanynda Ulttyq bank teńgeni ustaı almaýda. Erteń rýbl taǵy da 2-3 ese qunsyzdansa, Qazaqstanda dollar 1000-nan asady”, – delingen jazbada.

Eske salsaq, buǵan deıin mamandar dollar qunynyń ne sebepti sharyqtap ketkenin túsindirgen edi.